«TMD sportty damytý, sporttyq rezervti daıyndaý jáne elderimizdiń azamattary arasynda salaýatty ómir saltyn qalyptastyrý úshin kúsh-jigerdi biriktirýge múmkindik beredi», dedi Igor Petrıshenko TMD otyrysynda sóılegen sózinde.
Sondaı-aq alǵashqy oıyndar 2021 jyldyń qazan aıynda sátti ótkenin atap ótti.
«TMD dene shynyqtyrý jáne sport jónindegi keńesiniń otyrysynda II sport oıyndaryn 2023 jyly Belarýs Respýblıkasynda ótkizý týraly sheshim qabyldandy. Elimizde birneshe ret joǵary deńgeıdegi sporttyq is-sharalar ótkizildi, olardyń ishindegi eń irisi: 2014 jylǵy shaıbaly hokkeıden álem chempıonaty jáne 2019 jylǵy II Eýropa oıyndary», dedi Igor Petrıshenko.
Belarýste ótetin kezekti oıyndar 2023 jyldyń 4-14 tamyzyna josparlanǵan.
«Belarýs bul jarystardy uıymdastyrýǵa tolyq daıyn, barlyq qajetti sporttyq jáne tıisti ınfraqurylymdar bar. Oıyndardyń tujyrymdamasynda elimizdiń barlyq oblystarynyń 9 qalasynda sporttyń 21 túrinen sporttyq is-sharalar ótkizý kózdelgen», dep qosty Igor Petrıshenko.
