Is-sharaǵa Eńbek jáne halyqty áleýmettik qorǵaý mınıstrliginiń ortalyq apparatynyń, aýmaqtyq departamentterdiń, vedomstvolyq baǵynysty uıymdardyń, sondaı-aq jergilikti atqarýshy organdardyń qyzmetkerleri qatysty.
Eńbek jáne halyqty áleýmettik qorǵaý mınıstri Tamara Dúısenova óziniń quttyqtaý sózinde áleýmettik qorǵaý salasy qyzmetkerleriniń qarttar men múgedektigi bar adamdardyń, kópbalaly jáne az qamtylǵan otbasylardyń, jumyssyz azamattardyń jáne halyqtyń basqa da áleýmettik osal toptarynyń ómir súrý sapasyn arttyrýǵa qosqan aıryqsha úlesin atap ótti.
«Qurmetti áleýmettik qorǵaý júıesiniń qyzmetkerleri, kásibı merekelerińizben shyn júrekten quttyqtaımyn!
Sizderge erekshe nazar men qamqorlyqty qajet etetin adamdardyń problemalary júkteledi. Osy jaýapty jumystaryńyz tek eńbekqorlyq pen iske degen adaldyqty ǵana emes, sonymen birge sezimtaldyqty, úlken shydamdylyqty, janashyrlyqty qajet etedi. Azamattarǵa qajetti kómek kórsetý basty mindet bolyp tabylatyn meıirban adamdar, elimizdiń damýy men nyǵaıýyna qosqan úlesi kózge kórine bermeıtin batyrlarymyz dese bolady. Sizderdiń qamqorlyqtaryńyz ben qoldaýlaryńyz adamdarǵa senimdilik beredi.
Muqtaj jannyń ómir súrýge degen qulshynysyn yntalandyrý men úkili úmitin oıata bilý – bul ómir syılaýmen teń. Barlyǵy úshin sizderge alǵys aıtqym keledi! Osy saltanatty kúni Sizderge densaýlyq, amandyq, baqyt, beıbitshilik pen jaqsylyq tileımin. Kásibı merekeńiz – Áleýmettik qorǵaý júıesi qyzmetkerleri kúni qutty bolsyn», dedi Tamara Dúısenova.
Tamara Dúısenova is-sharaǵa qatysýshylarǵa arnaýly áleýmettik qyzmetter kórsetý júıesin jańǵyrtý, balaly otbasylardy áleýmettik qoldaýdyń jańa sharalary, azamattardy zeınetaqymen qamsyzdandyrý júıesin jetildirý, Otbasynyń sıfrlyq kartasyn engizý jáne Áleýmettik kodeksiniń jobasynda kózdelgen basqa da qoldaý sharalarynyń arqasynda memlekettik qyzmetter kórsetýdiń proaktıvti formatyna kóshý týraly aıtyp berdi.
Mınıstr Eńbek jáne áleýmettik qorǵaý komıtetiniń Soltústik Qazaqstan oblysy boıynsha departamentiniń basshysy, áleýmettik qorǵaý júıesinde 27 jyl jumys ótili bar Mereke Muhamedıarovty «Qurmet» ordenimen marapattady. Osy marapatqa eńbek jolynyń 33 jylyn áleýmettik salaǵa arnaǵan Eńbek jáne áleýmettik qorǵaý komıtetiniń Qaraǵandy oblysy boıynsha departamenti basshysynyń orynbasary Natalıa Krıýkova, sondaı-aq eńbek jolyn 26 jyl buryn Almaty qalasynyń aýdandyq áleýmettik qorǵaý bóliminde bastaǵan Memlekettik áleýmettik saqtandyrý qorynyń bas dırektorynyń keńesshisi Aınahan Berıkova ıe boldy.
Eńbek jáne áleýmettik qorǵaý komıtetiniń Qostanaı oblysy boıynsha departamenti basshysynyń orynbasary, áleýmettik salada 25 jyl eńbek etip kele jatqan Aınur Sataeva «Eren eńbegi úshin» medalimen marapattaldy. QR EHÁQM qarjy departamenti dırektorynyń orynbasary Marjan Raıymbekova «Shapaǵat» medalimen marapattaldy.
Áleýmettik-eńbek salasyndaǵy kóp jylǵy adal eńbegi, sondaı-aq eńbek jolyndaǵy joǵary nátıjeleri úshin Mınıstrdiń qolynan «Eńbek ardageri» vedomstvolyq medalin Túrkistan oblysynyń eńbek ınspeksııasynyń ardageri, zeınetkeri Muhanmadııar Baıandıev, Jetisý oblysynyń jumyspen qamtý jáne áleýmettik baǵdarlamalar bóliminiń basshysy Dına Taldanbaeva, Eńbek jáne áleýmettik qorǵaý komıteti Mańǵystaý oblysy boıynsha departamentiniń qyzmetkeri Aısulý Agjanova aldy.
Sondaı-aq 65 jasqa tolýyna baılanysty mınıstrdiń quttyqtaý haty Sáýle Dúısenovaǵa tabystaldy. Sáýle Saǵyntaıqyzy kóptegen jyldar boıy Zeınetaqy tóleý jónindegi memlekettik ortalyǵyn, sondaı-aq Memlekettik áleýmettik saqtandyrý qoryn basqardy.
Sala qyzmetkerlerin sonymen qatar Eńbek jáne halyqty áleýmettik qorǵaý vıse-mınıstrleri Aqmádı Sarbasov, Oljas Ordabaev, Erbol Ospanov, Nazgúl Saǵyndyqova, Eńbek jáne áleýmettik qorǵaý komıtetiniń tóraǵasy Tólegen Ospanqulov, QR EHÁQM Kóshi-qon komıteti tóraǵasynyń mindetin atqarýshy Ilıas Ispanov ta quttyqtady.
Saltanatty rásim barysynda elimizdiń túrli óńirlerinen barlyǵy 88 áleýmettik qorǵaý júıesiniń qyzmetkeri marapattarǵa ıe boldy. Onyń ishinde «Qurmet» ordenimen 3 adam, «Eren eńbegi úshin» medalimen – 4 qyzmetker, Qazaqstan Respýblıkasynyń Qurmet gramotasymen 1 adam marapattaldy. «Shapaǵat» medalimen – 1 adam, «Eńbek ardageri» vedomstvolyq medalimen – 10 qyzmetker nagrattaldy. «Áleýmettik-eńbek salasynyń úzdigi» tósbelgisi 21 adamǵa tabys etildi.
Salanyń 19 qyzmetkeri vedomstvonyń Qurmet gramotasyn aldy, QR Eńbek jáne halyqty áleýmettik qorǵaý mınıstriniń alǵys hatyna 29 qyzmetker ıe boldy.
Saltanatty is-shara barysynda Qazaqstannyń eńbek sińirgen qaıratkerleri, Mádenıet úzdikteri, respýblıkalyq konkýrstar laýreattarynyń qatysýymen konsert ótti.
