«3 qarashada «ArselorMıttal Temirtaý» AQ KD «Lenın atyndaǵy» shahtasynda apat oryn aldy. Sońǵy málimetterge sáıkes bes kenshi qaıtys boldy. Osyǵan baılanysty meniń ókimimmen Tótenshe jaǵdaılar mınıstri Iýrıı Ilın jetekshilik etetin Úkimettik komıssııa quryldy. Onyń quramyna ýákiletti mınıstrlikterdiń, jergilikti atqarýshy organdardyń jáne kásipodaq uıymdarynyń ókilderi kirdi», dep jazdy Álıhan Smaıylov óziniń Facebook paraqshasynda.
Onyń aıtýynsha, qaza tapqandar men zardap shekkenderdiń otbasylaryna jan-jaqty kómek kórsetiledi.
«Bıyl jazda «ArselorMıttal Temirtaý» AQ-ǵa barǵan kezimde men kompanııa basshylyǵyna kenshiler úshin qaýipsiz eńbek jaǵdaılaryn jasaý, óndiristi jańǵyrtýǵa ınvestısııalar bólý jóninde keshendi sharalar qabyldaý qajet ekenin aıtqan bolatynmyn. Úkimettik komıssııa aldyna apat sebepterin obektıvti tekserý, shuǵyl máselelerdi sheshý, sondaı-aq qaza tapqandar men zardap shekkenderdiń otbasylaryna jan-jaqty kómek kórsetý boıynsha mindetter qoıyldy. Qaza bolǵandardyń týystary men jaqyndaryna qaıǵyryp kóńil aıtamyn», dedi Premer-Mınıstr.
