«Bul aımaq Táýelsizdigimizdiń tuǵyryn nyǵaıtýǵa orasan zor úles qosty. Munda elimizdegi munaıdyń tórtten biri óndiriledi. Munaı-gaz salasymen qatar oblysta ekonomıkanyń óńdeý ónerkásibin damytýǵa mol múmkindik bar. Qazir memleket aldynda turǵan negizgi mindettiń biri – ulttyq ekonomıkany is-júzinde ártaraptandyrý», dedi Qasym-Jomart Toqaev.
Sondaı-aq tereń óńdelgen daıyn ónim shyǵaratyn óndiris oryndaryn ashý keregin de eskertti.
«Men bul týraly Úkimet jıyndarynda, óńirlerge barǵan kezde únemi aıtyp júrmin. Barlyq ákimder osy máselege basa nazar aýdarýǵa tıis. Bul – Úkimet pen ákimderdiń aldynda turǵan mańyzdy mindet», dedi ol.
