Naýqastyń biri 1991 jyly týǵan azamat. Aýrýhanaǵa keýde tusynan alǵan pyshaq jaraqatymen túsken. Qazirgi ýaqytta ol mamandandyrylǵan bólimge aýystyryldy. Jaǵdaıy turaqty. Al 1984 jylǵy taǵy bir naýqas dene jáne ish qýysynan pyshaq jaraqatyn alǵan. Oǵan ota jasalyp, reanımasııada jatyr.
Dárigerlerdiń aıtýynsha, naýqastyń jaǵdaıy óte aýyr, qazir jasandy tynys alý apparatyna qosylypty.
Sondaı-aq 1987 jyly týǵan naýqastyń da jaǵdaıy sóz boldy. Mamandardyń aıtýynsha, ol aýrýhanaǵa bastyń jelke tusynyń kesilgen jaralary jáne oń jaq jaýyryndaǵy jaraqatymen jetkizilgen. Naýqas travmatologııa bóliminde jatyr, jaǵdaıy turaqty. Taǵy bir naýqas tekseristen keıin ambýlatorlyq emdelýge ketti.
Almaty oblysynyń polıseıleri de naýqastardyń turmystyq janjal kezinde jaraqat alǵanyn rastap otyr. Zardap shekkenderdiń biri alǵan jaraqattarynan qaıtys boldy.
Is 99-baptyń 2-bólimi «Buzaqylyq nıetpen bir top adam jasaǵan eki nemese odan da kóp adamdy óltirý» boıynsha tergelýde.
Eske salaıyq, buǵan deıin Esiktegi aýrýhanaǵa bes adamnyń jaraqatpen túskeni, bir adamnyń qaıtys bolǵany belgili bolǵan edi.
