Jańa zaýyttyń jobalyq qýaty jylyna 5 myń tonna katodty mys quraıdy. Sondaı-aq kásiporynda 140 jumys ornyn qurý josparlanǵan.
Katodty mys SX-EW tehnologııasy boıynsha mysty metall qalyptamasyna tundyrý arqyly óndiriledi. Mys katodtary M00k markasyna sáıkes keletin joǵary tazalyq pen sapaǵa ıe.
SX-EW katodty mys óndirý tehnologııasy gıdrometallýrgııalyq proseske negizdelgen ınnovasııalyq ádis. Bul zamanaýı tehnologııa elimizde sońǵy onjyldyqta qoldanyla bastady, ol zaýyttar salýǵa úlken shyǵyndardy qajet etpeıdi. Sonymen qatar katodty mys óndirisinde tómen ózindik qunymen erekshelenedi jáne kedeı kenderdiń qorlaryn paıdalanýǵa múmkindik beredi. Budan bólek metallýrgııadaǵy eń ekologııalyq taza ádis.
Jyl saıyn óndiristik qýattylyqtardyń jetkiliksiz kólemine baılanysty Qazaqstan mys konsentratynyń shamamen 30% (966 myń tonna) shetelge eksporttaıdy. Al, jańa kásiporyndardyń ashylýy mys konsentratyn el ishinde barynsha qaıta óńdeýge múmkindik berip, qosylǵan quny joǵary ónim shyǵarýǵa yqpal etedi.
