Kásiporyn sút óndirý jáne ósimdik sharýashylyǵy boıynsha respýblıkada óte joǵary kórsetkishke ıe. Seriktestiktiń óz seleksııasyn júrgizetin zamanaýı tájirıbe jasaý alqaptary da bar. Byltyr «Jańa Qazaqstanǵa – jańa aýyl» baǵdarlamasy aıasynda Shyǵys Qazaqstan oblysynyń shalǵaı aýdandarynda «Maıly daqyldardyń tájirıbelik sharýashylyǵy» JShS esebinen jańa jerlerdi ıgerýge, shaǵyn sharýa qojalyqtarynyń kirisin arttyrýǵa mol múmkindik beretin tegin maıly daqyldardyń kúnbaǵys gıbrıdi egilgen edi.
Jıgýlı Daırabaev kezdesý barysynda eńbek ujymyn saılaýaldy baǵdarlamasymen tanystyrdy. Kandıdat elimizdi agrarlyq derjavaǵa aınaldyrý úshin qorǵa jaqsy tuqymdar qajet ekenin aıtyp, búginde Qazaqstanda jetispeıtin tuqym sharýashylyǵyn damytýdyń óte mańyzdy ekendigine toqtaldy. «Maıly daqyldardyń tájirıbelik sharýashylyǵy» JShS qoldanatyn tehnologııalardan topyraq sapasy aıtarlyqtaı jaqsartatynyna kóz jetti. Al búginde Qazaqstanda qoldanylatyn tehnologııa topyraq sapasyn jaqsartpaıdy, tek saqtaıdy», deıdi J.Daırabaev.
Budan keıin kandıdat jergilikti golshtın tuqymy ósiriletin, joǵary ónimdiligimen tanymal sút jáne mal sharýashylyǵy keshenine bardy. Sapaly menedjment pen jaqsy jem-shóp bazasynyń arqasynda bul ujym búginde joǵary kórsetkishke qol jetkizip otyr.
