Is-shara barysynda kandıdat jınalǵan qaýymǵa óziniń saılaýaldy baǵdarlamasynyń negizgi baǵyttary jóninde aıtyp berdi. Kandıdat syrtqy saıasat máselelerine kelgende Qazaqstan áskerı bloktarǵa qatyspaıtyn, qoldamaıtyn memleket retinde berik pozısııasyn saqtaýy kerek dep esepteıdi. Bul – búginde oryn alyp otyrǵan geosaıası jaǵdaıda óte ózekti.
N.Áýesbaevtyń pikirinshe, basqa memleketter óz óndirýshileriniń qyzyǵýshylyqtaryn qorǵaıtyn kezde qatań oıyn erejelerin ornatý kerek. Kandıdattyń paıymdaýynsha, strategııalyq salalarda Qazaqstan proteksıonızm pozısııasyn ustanýy qajet.
Nurlan Áýesbaev saılaýaldy baǵdarlamasynda saıası reformalarǵa basa nazar aýdarylǵanyn atap ótti. Úmitkerdiń pikirinshe, «aldymen – ekonomıka, keıin – saıasat» strategııasy tıimsiz bolyp shyqty. «Partııalyq-saıası óristi tolyqqandy reformalaý qajet. Kezek kúttirmeıtin taǵy bir ózekti másele – ekonomıkaǵa tusaý bolyp otyrǵan jemqorlyq», dedi ol. Bul jaǵymsyz qubylysty joıý úshin kandıdat paraqorlarǵa qatysty jazany barynsha kúsheıtýdi usynyp otyr. N.Áýesbaevtyń pikirinshe, sybaılas jemqorlyq qylmys úshin sottalǵandardy merziminen buryn bosatý quqyǵynan aıyrý qajet.
