Astanadaǵy №8 mektep-lıseıi men №10 emhana «Áleýmettik ámııan» arqyly azamattardy aqshalaı jáne aqshalaı emes memlekettik qoldaýdyń sıfrlyq quraldaryn qurý boıynsha pılottyq jobaǵa qatysyp jatyr. «Jalpy bilim beretin mektepterdi tegin, jeńildetilgen ystyq tamaqpen qamtamasyz etý», «Mindetti áleýmettik medısınalyq saqtandyrý sheńberinde dári-dármekpen jáne dárigerdiń usynysy (resepti) boıynsha tegin medısınalyq kómektiń kepildik berilgen kólemimen qamtamasyz etý» qyzmetteri synaqtan ótýde.
№8 mektepte 1 675 bala oqıdy, onyń ishinde 5-11 synypta oqıtyn 63 oqýshy az qamtylǵan otbasynan shyqqan. Mektep ashanasyn aralaý barysynda Serik Jumanǵarınǵa «Áleýmettik ámııan» qosymshasynyń demo-nusqasy kórsetildi.
Joba ónerkásiptik paıdalanýǵa berilgennen keıin ystyq tamaqqa joldama alý úshin memleketten áleýmettik qoldaý alatyn balalardyń ata-analaryna ótinish jazýdyń qajeti bolmaıdy. Olardyń uıaly telefon nómirine SMS habarlama jiberiledi, sodan keıin balanyń kólik kartasyn «Áleýmettik ámııanǵa» qosyp, ony mektepte jeńildikti túski as alý úshin paıdalanýǵa bolady.
S.Jumanǵarın jaqyn mańdaǵy «Áleýmettik tólemder esebinen taýarlardy satyp alý» qyzmeti synaqtan ótken úı janyndaǵy dúkende boldy. Bul ataýly áleýmettik kómek alýshylarǵa, sonyń ishinde negizgi azyq-túlik ónimderin satyp alýǵa bólinetin, olardy dúkenderden QR tólemin qoldana otyryp satyp alýǵa múmkindik beredi.
Mindetti áleýmettik medısınalyq saqtandyrý jáne resept boıynsha tegin medısınalyq kómektiń kepildik berilgen kólemi boıynsha dári-dármekpen qamtamasyz etý sheńberinde dárilik zattardy alý úshin 83 myń azamat tirkelgen №10 qalalyq emhananyń bazasynda «Áleýmettik ámııan» Densaýlyq saqtaý mınıstrliginiń aqparattyq júıelerimen biriktiriletin bolady.
Bul qyzmet dárigerdiń sıfrlyq resepti qoldanýshynyń-pasıenttiń telefonyna birden túsetindigimen yńǵaıly. Medısına qyzmetkerlerine qujattardy qolmen toltyrý, al pasıentke qaǵaz reseptti alyp júrýdiń qajettiligi bolmaıdy.
«Áleýmettik qoldaýdyń aqshalaı emes túrleriniń tetigi qazirdiń ózinde jetkilikti túrde ázirlengen dep sanaımyn, aqshalaı túrleri boıynsha biz olardy tek bank kartalaryna ǵana emes, «Áleýmettik ámııanǵa» da alýǵa bolatyndaı etip qarastyramyz jáne ártúrli nusqalardy usynamyz. Sonymen qatar azamat memlekettik qoldaý sheńberinde, mysaly, ataýly áleýmettik kómek – áleýmettik mańyzy bar azyq-túlik ónimderin satyp alýǵa esepteletin qarajatty kóre alady», dedi Serik Jumanǵarın.
2023 jyly qoldanysqa engizý úshin «Áleýmettik ámııandaǵy» sıfrlyq qyzmetterdi (mektepterde tegin jáne jeńildetilgen baǵamen ystyq tamaqqa vaýcherler, dári-dármek berý) iske qosýdy kezeń-kezeńimen bastaý josparlanýda. Bul rette normatıvtik-quqyqtyq bazaǵa tıisti ózgerister engizý jumystary aıaqtalýda.
