Ásker men órt sóndirýshilerge kıim tigýmen aınalysatyn kásiporyn búginde óndirisin damytyp, joǵary kórsetkishterge qol jetkizip keledi. Kezdesýde kandıdat óziniń saılaýaldy naýqany aıasynda eńbek adamynyń róli men mańyzdylyǵyn arttyrýǵa basa mán bergenin aıtty.
Sonymen qatar Jıgýlı Daırabaev memlekettik tapsyrystardyń ádil bólinýi tıis ekenine toqtalyp, ulttyq jáne kvazımemlekettik kompanııalar tek ımporttyq taýarlardy satyp alatynyn atap ótti.
«Elimizde jeńil ónerkásip damymaǵan, onymen aınalysatyn jeke bólim joq. Ekonomıkanyń osy salasyn jandandyrý jáne damytý úshin ulttyq kompanııalar otandyq óndiristi qoldaýy kerek. Máselen, jeńil ónerkásip ónimderin úlken kólemde satyp ala alatyn QTJ-nyń búıregi ımportqa buryp turady. Naryqtyq ekonomıkanyń óz zańdylyǵy bar, túsinemiz, biraq bizde otandyq ónerkásip basymdyqqa ıe bolýy qajet. Aýyldyq eldi mekenderde jumys kúshi mol. Eger osy múmkindikti durys paıdalansaq, jeńil ónerkásip kásiporyndaryn damyta otyryp, kóptegen máseleni sheship, aýyl turǵyndaryn jumyspen qamtamasyz eter edik», dedi kandıdat.
