Kezdesý kezinde kandıdat eldegi basshylyq qyzmettegi áıelderdiń quzyrettiligi tómen ekenin jasyrmady. «Qazaqstandaǵy basshylyq laýazymdardaǵy genderlik ókildiktiń jaǵdaıy asa máz emes. Áıelder el halqynyń basym bóligin qurasa da, basshylyq qyzmettegi áıelder sany óte az. Quzyrettilik joqtyǵynan áıelderdiń pikiri eskerilmeıdi», dedi ol.
Ulttyq statıstıka bıýrosynyń málimetine súıensek, Qazaqstan Respýblıkasynyń halqy 19 mln adamdy quraıdy, onyń 52 paıyzy – áıelder. 2020 jylǵy esepke sáıkes, elimizde jumys isteıtin árbir ekinshi áıeldiń (47,3%) joǵary nemese joǵary oqý ornynan keıingi bilimi bar. Joǵary bilimdi jumyspen qamtylǵan erlerdiń úlesi nebári 38,1%.
«Bizdiń elde áıelder kóp, olardyń arasynda bilimdisi de jeterlik. Biraq basshylyq qyzmetterde kózge kórinetin teńgerimsizdik bar. Oǵan myna jaǵdaılardy mysal retinde alýǵa bolady: qazir bizde oblys nemese respýblıkalyq mańyzy bar qalanyń birde-bir áıel ákimi joq. Tek eki áıel mınıstr bar. Sonyń ózinde ádettegideı áıelder ǵana basqaratyn densaýlyq saqtaý men áleýmettik qorǵaý salalary. Parlamenttegi áıelderdiń sany úshten birine de jetpeıdi», dedi S.Tursynbekova.
