Bıylǵy qańtar - qyrkúıek aılarynda elimizde qarýdy zańsyz alý, paıdalaný, ótkizý jáne basqa da áreketterge baılanysty 2 myń qylmystyq quqyq buzýshylyq tirkeldi, bul bir jyl burynǵydan 37,9 paıyzǵa artyq.
Quqyq buzýshylyqtardyń kópshiligi qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz alý, berý, ótkizý, saqtaý, tasymaldaý nemese alyp júrýge baılanysty.
Jıi jasalǵan quqyq buzýshylyqtardyń qataryna qarýdy zańsyz jasaý (418 jaǵdaı) jáne qarýdy, oq-dáriler men jarylǵysh zattardy jymqyrý nemese qorqytyp alý (141 jaǵdaı) kirdi.
Quqyq buzýshylyqtyń kóp bóligi Almatyda tirkelgen (72 is, ótken jyldyń on aıynda tek 1 is qana bolǵan).
Mundaı quqyq buzýshylyqtar sanynyń aıtarlyqtaı ósýi Jambyl oblysynda da baıqalady (13 jaǵdaı, byltyr 1 ǵana jaǵdaı). Elimizdegi 20 óńirdiń 14-de ǵana bul quqyq buzýshylyqtar tirkelgen.
Bıylǵy qańtar - qyrkúıek aılarynda qarýdy zańsyz alý, paıdalaný, ótkizý jáne ózge de áreketterge baılanysty quqyq buzýshylyqtar saldarynan keltirilgen zalaldyń belgilengen mólsheri 75,2 mln teńgeni qurap, bir jyl ishinde 22,3 ese ósti.
