Qazaqstandyq delegasııany Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi basqardy.
SIM basshysy óz sózinde Qazaqstannyń túrki yntymaqtastyq uıymdary sheńberindegi óz mindettemelerine berik ustanymyn jáne múshe memleketterdiń yntymaqtastyǵyn odan ári damytýǵa, ekonomıkalyq jáne mádenı ózara is-qımylyn nyǵaıtýǵa, sondaı-aq Uıymnyń tıimdiligin arttyrýǵa úles qosýǵa daıyn ekendigin jetkizdi.
Jıyn qatysýshylary TMU memleketteri basshylarynyń qatysýymen ótetin 9-shy sammıttiń kún tártibindegi máselelerdi talqylady, atap aıtqanda, is-shara barysynda qol qoıýǵa jáne qabyldaýǵa josparlanǵan qujattar men sheshimderdiń jobalary bekitildi.
