Zaýyttyń qýattylyǵy jylyna 5 myń tonna katodty mys shyǵarýǵa jetedi. Joba boıynsha ınvestısııa somasy 140 turaqty jumys ornyn qurýmen 11 mlrd teńgeni qurady. Investor ınvestısııalyq kelisimshartqa KAZAKH INVEST kómegimen qol qoıdy.
Saltanatty ashylýda Iran tarapynan «Kavand Nahan Zamin» kompanııasynyń bas dırektory Alıreza Mohsen Zııaııa, «Iranian Mines and Mining Industries Development and Renovation Organization» basshysy Vadjıholah Djafarı, Irınniń Qazaqstandaǵy Elshisi Madjıd Samazade Saber jáne «Irkaz metal Corporation» kompanııasynyń bas dırektory Alı Samareh Hashemı quttyqtaý sóz sóıledi. Qazaqstandyq taraptan Qaraǵandy oblysy Aqtoǵaı aýdanynyń ákimi Saltanat Ábeýova, Qaraǵandy oblysy О́nerkásip jáne ındýstrııalyq-ınnovasııalyq damý Basqarmasy basshysynyń orynbasary Andreı Ýmansev jáne Qaraǵandy oblysy boıynsha KAZAKH INVEST óńirlik dırektory Mádı Isekeev sóz sóıledi.
Qazaqstan men Iran arasyndaǵy yntymaqtastyq sońǵy jyldary qarqyn alýda. Aǵymdaǵy jyldyń maýsym aıynda Prezıdent Qasym-Jomart Toqaev Iranǵa saparmen bardy, onda bizdiń elderimiz úshin jańa múmkindikter ashatyn kelisimderge qol qoıyldy.
Mańyzdy kelisimderdiń biri – Iran azamattary úshin 14 kúnge vızasyz rejım engizý. Qazirdiń ózinde ırandyq kásipkerler bul artyqshylyqty tolyq paıdalanýda, ırandyq kompanııalardyń Qazaqstanǵa saparlary turaqty túrde uıymdastyrylýda.
