«Aqtóbe rels-arqalyq zaýyty» JShS eńbek ujymymen kezdesýde kandıdattyń saılaý aldyndaǵy baǵdarlamasynda kórsetilgen el ónerkásibin damytýǵa arnalǵan sharalar talqylandy.
«Aqtóbe oblysy – elimizdegi mańyzdy ındýstrıaldy óńir. Eńbeksúıgish aqtóbelikter oblystyń ósip-órkendeýiniń negizi ekeni sózsiz. Sizder árdaıym elimizdegi reformalardy, beıbitshilikti jáne turaqtylyqty qoldap keldińizder. Sondyqtan aldaǵy prezıdent saılaýynda, el damýyndaǵy osyndaı jaýapty kezeńde óńir turǵyndary durys tańdaý jasaıdy dep senemiz», dedi respýblıkalyq qoǵamdyq shtab delegasııasynyń basshysy Máýlen Áshimbaev.
Is-sharada shtab músheleri saılaý aldyndaǵy baǵdarlamanyń óńirlik ınfraqurylymdy jaqsartý jáne jumys oryndaryn ashý máselelerine arnalǵan baǵyttaryna nazar aýdardy. Sondaı-aq Ortalyq stadıonda «Aqtóbe» fýtbol klýbynyń oıynshylarymen kezdesý ótti. Onda kandıdattyń kásibı sportty damytýdy jáne salamatty ómir saltyn dáripteýdi kózdeıtin basymdyqtary sóz boldy. Shtab músheleri Q.Jubanov atyndaǵy ýnıversıtette joǵary oqý ornynyń ǵalymdarymen jáne oqytýshy-professorlar quramymen de kezdesti.
