Shtab basshylyǵy málimdegendeı, úgit-nasıhat jumystary belsendi júrgizilip jatyr. «Jıynda saılaýaldy jumystarynyń nátıjeleri boıynsha esep berildi. Qaraqat Ábden elimizdiń 8 oblysynda 30-dan astam kezdesý ótkizdi. Saılaýshylar tarapynan kóptegen saýaldar men usynys kelip tústi. Suraqtardyń basym bóligi áleýmettik problemalarǵa qatysty. Sondaı-aq densaýlyq saqtaý, bilim berý men bala tárbıesi jaıly ózekti máseleler kóterildi. О́ńirlik shtabtar olardyń barlyǵyn baqylaýǵa aldy. Jalpy, saılaý – bul demokratııalyq qoǵamnyń kórinisi. Saılaýaldy shtabtarǵa úlken jaýapkershilik júktelgen. Sondyqtan saılaý men úgit-nasıhat júrgizý boıynsha biz ozyq halyqaralyq tájirıbeni saralaı kele, jumystyń aýqymyn keńeıtip jatyrmyz. Biz úshin kandıdattyń myqty saıası tustaryn kórsete bilý mańyzdy. Bul óz aldyna úılesimdi ujymdyq jumysty talap etedi. Sondyqtan saılaýaldy shtabtarymyzda óz isin jaqsy biletin mamandar, patrıottar men múddesi ortaq azamattar eńbek etip jatyr. Bizdi biriktiretin ortaq maqsat – el ıgiligi úshin jumys isteý», dedi kandıdattyń baspasóz hatshysy Elaman Tólepbergen.
Aldaǵy ýaqytta Qaraqat Ábden Túrkistan jáne Jambyl oblystarynyń saılaýshylarymen kezdesý ótkizýdi josparlap otyr.
