Qasym-Jomart Toqaev Túrki elderiniń IT-salasyndaǵy qarym-qatynasyn jandandyrý jón ekenin atap ótti.
«Sońǵy kezde geosaıası ahýalǵa baılanysty memleketter bir-birinen tehnologııalyq turǵydan oqshaýlanyp jatyr. Túrki elderiniń IT-salasyna qatysty tyń tásilder ázirleýi aıryqsha mańyzdy. Bul bizdiń sıfrlyq damýymyzǵa jol ashady» dedi Memleket basshysy.
Sondaı-aq Astanada ótken «Digital Bridge» halyqaralyq is-sharasy týraly da aıtyp ótti.
«Onda IT-salasynda jumys isteıtin kreatıvti jastarymyz bas qosyp, ozyq ıdeıalaryn usyndy. Sondaı-aq, memleketterimizdiń IT-habtary arasyndaǵy ózara is-qımyl týraly memorandýmǵa qol qoıyldy» dedi Qasym-Jomart Toqaev.
Sondaı-aq memleket basshysy Astana hab halyqaralyq tehnoparki negizinde Túrki memleketteri uıymynyń Sıfrlandyrý ortalyǵyn qurýdy usyndy.
«Bul qurylym saýda, kólik, sý resýrstary, aqparattyq qaýipsizdik jáne basqa da salalarǵa qajetti sıfrlyq sheshimder ázirleýge múmkindik beredi» dedi Prezıdent.
Bul úshin Túrki elderiniń Venchýrlyq qoryn quryp, sol arqyly mańyzdy start-ap jobalarǵa ınvestısııa tartýǵa múmkindik bolatyny aıtyldy.
