Baıqaý úsh kezeńnen turdy: «О́leń – sózdiń patshasy, sóz sarasy» atty kezeńde Abaıdyń bir óleńi jatqa oqyldy. Al ekinshi kezeńde Abaıdyń bir qarasózi jatqa oqyldy. «Kóńilim ándi uǵady» atty sheshýshi kezeńde Abaıdyń bir áni oryndaldy.
Myqtynyń myqtysyn anyqtaıtyn bul baıqaýǵa Oral qalasyndaǵy túrli oqý oryndarynda oqıtyn stýdentter qatysyp, tartysty báseke týdyra aldy. Al saıystyń qorytyndysyna kelsek, «Kóńilim ándi uǵady» atalymy boıynsha Oral gýmanıtarlyq-tehnıkalyq kolledjiniń stýdenti Anna Lapkına, «Poezııa janashyry» atalymy boıynsha Bókeı ordasy kolledjiniń stýdenti Valentına Berezına, «Kórermen kózaıymy» atalymy boıynsha Shyńǵyrlaý kolledjiniń stýdenti Dıana Chernozýbova, «Jas daryn» atalymy boıynsha Batys Qazaqstan ındýstrııalyq kolledjiniń stýdenti Dmıtrıı Krasnobaev marapattaldy.
III oryndy Bórli kolledjiniń stýdenti Marııa Ovsıenko, Oraldaǵy «Maqsat» joǵary medısınalyq kolledjiniń stýdenti Zara Badaeva, Qurmanǵazy atyndaǵy saz kolledjiniń stýdenti Roman Sokolov ıelense, II orynǵa Oraldaǵy «Servıs» tehnologııalyq kolledjiniń stýdenti Nadejda Mınýlına, M.О́temisov atyndaǵy Batys Qazaqstan ýnıversıtetiniń stýdenti Vıktorııa Bakaýshına laıyqty dep tanyldy. Bárinen oza shapqan M.О́temisov atyndaǵy Batys Qazaqstan ýnıversıtetiniń stýdenti Tatıana Sherstıankına júldeli I oryndy jeńip aldy. Júldeli oryndarǵa ıe bolǵan qatysýshylarǵa baǵaly syılyqtar tapsyryldy.
Prezıdent Qasym-Jomart Toqaev «Abaı jáne HHI ǵasyrdaǵy Qazaqstan» atty maqalasynda «Abaıdy taný – adamnyń ózin ózi tanýy» dep danyshpan aqyndy áli de zerdeleý kerektigin alǵa tartqan bolatyn. Bul is-sharanyń negizgi maqsaty da Memleket basshysynyń pikirimen ushtasyp jatty.
Ǵalymjan ELJAN,
M.О́temisuly atyndaǵy BQÝ-diń 4 kýrs stýdenti
ORAL
