Bul jóninde elorda ákimi Altaı Kólginov Instagram paraqshasynda jazdy. Onyń aıtýynsha, búginde medısına qyzmetkerleri jáne qala turǵyndary kótergen máselelerdiń basym bóligi sheshimin tapqan.
«Birinshiden, densaýlyq saqtaý júıesiniń ınfraqurylymyn damytý boıynsha elordanyń aýqymdy jobalarynyń biri temir jol aýrýhanasynyń (№3 kópsalaly qalalyq aýrýhana) «Ramada Plaza» ǵımaratyna kóshýi bolyp sanalady. Eski temir jol aýrýhanasynyń aýmaǵyna jańa perınataldyq ortalyq salynady. О́ıtkeni bul shaǵyn aýdanda osy másele (Saryarqa aýdany) óte ózekti. Budan bólek Almaty aýdanyndaǵy №1 kópsalaly qalalyq aýrýhanasynyń janynda taǵy bir perınataldyq ortalyq salynady», dedi qala ákimi.
Sondaı-aq birqatar eldi mekenderde alǵashqy medısınalyq-sanıtarlyq kómek ortalyqtarynyń qurylysy josparlanǵan. Aıtalyq, «Jaǵalaý-3 jáne «Nurly jol» vokzaly aýmaǵynda ambýlatorııalyq-emhanalyq keshenderiniń, Kóktal-1, Prıgorodnyı, Telman eldi mekenderindegi medısınalyq mekemelerge jóndeý jumystary júrgizilgen.
Qadamdyq qoljetimdilik aıasynda sońǵy úsh jylda 40 «Úı janyndaǵy dáriger» nysany (onyń 7-eýi eldi mekenderde ornalasqan) ashylǵan. Jeke ınvestısııalardy tartý arqyly jyl sońyna deıin taǵy 10 nysan ashý josparda tur.
Al medısına qyzmetkerlerine jaǵdaı jasaý máselesi boıynsha Astana ákimi A.Kólginov: «2020 jyldan bastap dárigerlerdiń ortasha jalaqysy 60 paıyzǵa, orta býyn medısına qyzmetkerleriniń jalaqysy 50 paıyzǵa ósti. Kelesi jyly dárigerlerdiń jalaqysy 35 paıyzǵa, al orta býyn medısına qyzmetkerleriniń jalaqysyn 10 paıyzǵa arttyrý josparlanyp otyr. Kadrlardy jumyldyrý úshin granttar bólemiz. Osylaısha, úsh jyl ishinde joǵary bilim alýǵa 750 grant bólindi. Qazirgi oqý jylyna 250-ge jýyq grant bólindi. Sol sııaqty medısına qyzmetkerlerine arnap jataqhana salýdy da josparlap otyrmyz», dep jazdy.
Materıaldyq tehnıkalyq baza boıynsha sońǵy úsh jylda medısına mekemeleri 3 myńǵa jýyq arnaıy jabdyqpen jabdyqtalsa, jedel medısınalyq járdem stansasyna taǵy 55 arnaıy kólik berilgen. Buǵan deıin 100-den astam arnaıy kólik, onyń ishinde 65 reanımobıl medısınalyq kómek stansasy tapsyrylǵany aıtyldy.
Osylaısha, sala boıynsha birqatar máseleniń túıinin sheshý jumystary qolǵa alynǵan kezdesýde úzdik medısına qyzmetkerleri qurmet gramotalarymen marapattaldy.
