Bul – kandıdattyń saılaý aldyndaǵy baǵdarlamasynda belgilengen mindetterdiń biri.
«Batysqazaqstandyqtardy alańdatyp otyrǵan mańyzdy problemalardyń biri – Jaıyq ózeniniń tartylýy. Tabıǵı resýrstardy tıimdi paıdalaný memleket saıasatynyń mańyzdy basymdyqtarynyń qatarynda. Soǵan baılanysty sý resýrstaryn tıimdi paıdalaný, qorǵaý jáne tazalaý úlken mánge ıe. Bul baǵytta qoǵamnyń belsendi ustanymy asa mańyzdy», dedi respýblıkalyq qoǵamdyq shtab delegasııasynyń basshysy Máýlen Áshimbaev.
Oral qalasynda respýblıkalyq qoǵamdyq shtab músheleri oblystyń zııaly qaýym ókilderimen, qoǵam belsendilerimen birge kandıdat usynǵan otandyq mádenıet pen ónerdi qoldaýǵa jáne damytýǵa arnalǵan sharalar týraly da pikir almasty. Sondaı-aq Shtab músheleri «Jaıyqjylýqýat» AQ alańynda óńirdegi kommýnaldyq kásiporyndardyń ókilderimen kezdesip, batysqazaqstandyqtarǵa Q.Toqaevtyń saılaý aldyndaǵy baǵdarlamasynyń negizgi baǵyttary týraly aıtyp berdi. Naqty aıtqanda, kezdesýde energetıkalyq qýatty jańǵyrtýǵa, ınjenerlik jelilerdi salýǵa jáne jóndeýge arnalǵan basymdyqtar sóz boldy.
