Saıasat • 15 Qarasha, 2022

Ana men bala ómirine – aıryqsha nazar

410 ret

kórsetildi

1 mın

oqý úshin

«Ana men bala óliminiń deńgeıi el medısınasynyń naqty bet-beınesin kórsetetin mańyzdy derek bolyp sanalady. Bul málimetter memlekettegi ómir súrý deńgeıinen de habar beredi». Qazaqstan Respýblıkasy prezıdenttigine kandıdat Saltanat Tursynbekova Atyraý qalasynda ótken jıynda elimizdegi ana men bala ólimi týraly oıyn osylaı jetkizdi.

Egemen Qazaqstan

Kandıdat ana men bala óliminiń deńgeıi halyqaralyq reıtıngterde de kórsetiletinin eskertip ótti. «Qazaqstanda bul kórsetkishter burynnan ósip kele jatqanymen, sońǵy ýaqytta asqan jyldamdyqpen óse bastady. Biz árbir áıel men sábıdiń ómiri úshin kúresýimiz kerek», dedi S.Tursynbekova.

Kandıdat Ranking.kz derekterine silteme jasaı otyryp, birneshe sıfrlardy alǵa tartty. Ulttyq josparǵa sáıkes, ana ólimi 2021 jyly 100 myń týǵanǵa shaqqanda 35-ten tómen bolyp, 2025 jylǵa qaraı 10-ǵa deıin tómendeýi kerek. Al is júzinde 2021 jyly bul kórsetkish 44,7-ni qurady. Atyraý oblysynda ana óliminiń naqty kórsetkishi kútilgennen úsh esege joǵary bolǵanyn atap ótken jón.

«Sońǵy ýaqytta balalar ólimi boıynsha málimetter de kóńil kónshitpeıdi. Jyl sońyna deıin Qazaqstanda náreste ólimi 1000 týǵanǵa shaqqanda 7,6-ǵa deıin tómendeýi kerek edi. Alaıda kórsetkish kerisinshe respýblıka boıynsha orta eseppen 8,44-ke deıin ósti», dedi Saltanat Tursynbekova.