Kandıdat Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń ujymymen kezdesip, mamandardy jumyspen qamtamasyz etý máselesine toqtaldy.
«Aýyldyq jerler men qalanyń damý deńgeıinde aıyrmashylyq bar ekeni jasyryn emes. Osyny anyq ańǵaryp, kórip júrgen jastar oqý bitirgen soń qalada qyzmetin bastap, sol jerde turaqtap qalýdy kózdeıdi. Biraq ózimiz aıtqandaı, aýyldardy damytý memlekettiń basty baǵyttarynyń birine aınalyp otyr. Osy rette «Dıplommen – aýylǵa!» baǵdarlamasyna ózgerister engizý qajet dep sanaımyn», dedi Jıgýlı Daırabaev.
Kandıdat aýyldan shyqqan jastar, qaıta aýylǵa oralyp, óz týǵan jeriniń damýyna úles qosýy qajet deıdi. «Elimizdegi aýyl sharýashylyǵy baǵytyndaǵy ýnıversıtetterdiń túlekteri nege mamandyq boıynsha jumys isteýge barmaıdy? Birinshiden, saladaǵy jalaqynyń tómendigine baılanysty. Ekinshiden, aýyldaǵy turmystyq jaǵdaıdyń qıyndyǵy, kóptegen aýylda qarapaıym sýyq sý, ınternet joq, jol óte nashar», dedi J.Daırabaev.
