Qazirgi tańda udaıy damyp kele jatqan medısınalyq tehnologııalar birinshi kezekte adam densaýlyǵyna barynsha zııanyn tıgizbeýdi kózdeıdi. Sondyqtan osy salanyń ózgeristeri men jańalyqtary týraly bilip, qulaǵdar bolyp otyrý árqaısymyz úshin de ózekti.
Máselen, jýyrda Almatyda sýsamyr saldarynan aıaǵynyń qan aınalymy buzylǵan pasıentke jańa ádispen operasııa jasaldy. Áıtpese, syrqat áıel aıaǵynan aıyrylýy ábden múmkin edi.
Kóp jyl boıy sýsamyr keselimen júrgen 55 jastaǵy áıel dıabettik taban sındromyna shaldyqqan. Mamandar pasıentke 2-tıptegi qan dıabeti, aıaq kúretamyrlarynyń aterosklerozy degen dıagnoz qoıǵan.
Joǵarydaǵy operasııa barysynda naýqastyń aıaq kúretamyrlaryna angıografııa jasalǵan. Nátıjesinde tize asty men úlken jilinshiktegi arterııalar tarylyp, stenoz paıda bolǵany anyqtaldy. Operasııa kezinde aıaqtaǵy arterııalarǵa angıoplastıka jasalyp, qan aınalymy tolyq qalpyna keltirildi, deıdi mamandar.
Almatydaǵy №4 qalalyq klınıkalyq aýrýhanasynda ótken sheberlik dárisi sheńberindegi operasııany Úndistannyń Mýmbaı qalasynan kelgen dáriger Gırısh Mýkýd jasady.
«Ádette mundaı jaǵdaıda syrqattyń aıaǵyn kesip tastaıdy. Biraq bul áıeldiń joly boldy. Endi hırýrgııalyq operasııa jasaýǵa esh qajettilik joq», deıdi aýrýhananyń Rentgen-endovaskýlıarlyq hırýrgııa bóliminiń dárigeri Kamıla Orazbaeva.
Úndistandyq dáriger Gırısh Mýkýd tájirıbege engizilip otyrǵan jańa ádis – ıntervensıondyq nemese endovaskýlıarlyq hırýrgııa – zaqymdanǵan aǵzany qandaýyrsyz, qan tamyry arqyly rentgenendovaskýlıarlyq ádispen emdeýge múmkindik beretinin aıtady.
Qan tamyrlary hırýrgterine arnalǵan sheberlik dárisi barysynda úndistandyq dárigerdiń qatysýymen taǵy osyndaı 4 operasııa jasaldy.
Medısınalyq saqtandyrý qory Almaty fılıalynyń dırektory Tileýhan Ábildaevtiń sózine súıensek, tórt operasııa da MÁMS sheńberinde qarjylandyrylǵan.
«Bir jyl buryn №4 qalalyq klınıkalyq aýrýhanada rentgen-endovaskýlıarlyq hırýrgııa bólimshesi ashylǵan bolatyn. Osy ýaqyt ishinde mıdaǵy qan tamyrlaryna 739 ıntervensıondyq ota men jatyr arterııalaryn embolızasııalaý syndy manıpýlıasııalar júzege asyrylǵan. Bul operasııalardyń bári de MÁMS paketi sheńberinde jasaldy», deıdi Tileýhan Ábildaev.
ALMATY
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
ShQO TJD «Ulttyq kıim kúni» chellenjin ótkizdi
Qoǵam • Búgin, 11:35
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Uqsas jańalyqtar
