Kásipker áleýmettik jelide uıymdy túbegeıli qaıta qurý jumystary júrgiziletinin aıtty.
«Men kompanııadaǵy jumys ýaqytymdy qysqartyp, Twitter-di basqaratyn jańa basshy tabamyn», dedi I.Mask.
Sondaı-aq ol Twitter-ge engiziletin jańa «qatań» ózgerister kelesi aptanyń sońyna deıin júrgiziletinin aıtty. Qyzmetkerler atalǵan ózgeristerdi qabyldap nemese kompanııadan ketý týraly sheshim qabyldaý kerek. Sonymen qatar qyzmetkerler óz oryndarynda qalý úshin mindettemege qol qoıýy qajet.
Keıinirek kompanııa qyzmetkerleri «Eger siz jańa Twitter-diń bir bóligi bolǵyńyz keletinine senimdi bolsańyz, tómendegi siltemege «Iá» túımesin basyńyz» degen habarlama aldy.
Sonymen qatar hatta qyzmetkerler 17 qarashaǵa deıin ótinishke qol qoımasa, olar úsh aılyq jumystan shyǵý járdemaqysyn alatyny jazylǵan.
Tesla basqarma múshesi Djeıms Merdoktyń aıtýynsha, bas dırektor Ilon Mask sońǵy birneshe aıda bireýdi áleýetti murager retinde anyqtaǵan, alaıda Mask onyń kim ekenin aıtpady.
