Medeýge ekokólikter kire ala ma?

Osy oraıda kásipkerlerge elek­tr kólikterimen tasymaldaý­dy júzege asyrý úshin «Medeý» par­kimen kelisim jasaý usynylyp otyr. О́tken aptada bıznes ókilderi bul bastamany prokýratýramen bir­lesip, Almaty qalasynyń ká­sip­kerler palatasy alańynda tal­qylady.

Almaty kásipkerler palata­synyń ákimshilik kedergilerdi azaıtý bóliminiń bastyǵy Nurbol Áshirbekov jıyndy asha otyryp, elektrkarlardyń memlekettik or­gandarmen erekshe qorǵalatyn aýmaqtyń ashyq aımaǵyna kirýin she­kteý máselesi birneshe ret tal­qylanǵanyna qaramastan, másele áli de ashyq kúıinde qalyp otyrǵanyn alǵa tartty.

«Taraptardyń birneshe ret kelissózderinen keıin prokýratýra, «Medeý» parki jáne Almaty kásipkerler palatasynyń ókilderi memorandýmǵa qol qoıý týraly sheshim qabyldady», dedi ol.

Bul kelisim erikti jáne kásip­kerlerdiń quqyǵy men mindetterin qamtıdy. Prokýratýra ókili memorandým barlyq kásipkerlermen jasalatynyn atap ótti.

«Park basshylyǵynyń aýmaqqa kirýge qatysty zańsyz áreketterge jol bergenin rastaımyz. Biz jasyl ekonomıka basqarmasymen, «Medeý» parkiniń basshylyǵymen kelissóz júrgizdik jáne bul memorandým ynta bildirgen barlyq ká­sipkermen jasalady degen kelisimge keldik», dedi prokýratýra ókili Svetlana Kım.

Qujatty ázirleýshiler mem­leket­tik mekemeler tarapynan ká­­sip­kerlerdiń qyzmetine kılik­peıtinin aıtady. Bul sheshim park aýmaǵyna kiretin mashınalarǵa qatysty ekenin aıta ketý kerek.

«Eshkim park aýmaǵyna kirý ýaqytyn jáne parkke ákelingen adamdardyń sanyn belgilemeıdi. О́ıtkeni «Erekshe qorǵalatyn tabıǵı aýmaqtar týraly» zań bar, soǵan sáıkes kásipkerler, mysaly, tastalǵan qoqys, ruqsat etilmegen avtoturaqtar úshin jaýap beredi», dedi prokýratýra ókili.

Búgingi tańda park aýmaǵynda 2 kompanııa jolaýshylar tasymalymen aınalysyp jatyr, taǵy 5 kompanııa memorandýmǵa qol qoıyp, jaqyn arada jumysyn bastaıdy. Alaıda tasymaldaýshylar bolsa memorandým kedergi bolady dep sanaıdy. О́ıtkeni park jetekshiligi avtoturaq oryndaryn baqylaı almaıdy.

«Almatyda qazir elektr mashınalary sánge aınalyp tur. Búginde «Medeý» parkinde tirkelgen kólik sany 600-ge jýyqtady. Byltyr ǵana bul san 60 mashınanyń aınalasynda bolǵan. Eki jyldan keıin kórsetkish 10 myń birlikke deıin jetýi múmkin. Osyndaı aǵyndy park qalaı baqylaı alady?», dep suraq qoıdy Blu Sky JShS tasymaldaýshy kompanııanyń ókili.

О́z tarapynan «Medeý» ult­tyq parki dırektorynyń orynbasary Almas Attaphanov aýmaq­ta turaq oryndarynyń sany shek­teýli ekenin rastady. Elektrmo­bılderdiń bir bóligi «Medeý» parki arqyly «Shymbulaq» taý shańǵy kýrortynyń meıramhanalaryna tranzıtpen ótedi.

«Eger demalys kúnderi jurt Medeýge jappaı aǵylatyn bolsa, onda kólikterdi jup jáne taq sandar boıynsha kirgizý týraly oılaný kerek shyǵar? Qazir mundaı másele turǵan joq. О́ıtkeni mun­daı aǵyn ázirge joq. Keler shaqta bul máselege qaıta oralýymyz kerek», deıdi N.Áshirbekov.

Memorandým arqyly megapolıs kásipkerleri «Medeý» par­kin­de tasymaldaý isimen aınalysa alady.

ALMATY