Qazaqstan tennıs federasııasy jazǵandaı, aıtýly dodaǵa AQSh, Aýstralııa, Rýmynııa, Italııa, Germanııa, Argentına, Belgııa syndy elderden myqty oıynshylar qatysyp, baq synady.
Aqtóbe tennıs mektebiniń túlegi, 13 jastaǵy Korysheva jekeleı jáne juptyq synda úzdik shyqty.
Eva jekeleı synda fınalda osy jarystyń birinshi raketkasy, majarstandyq Greta Nemchekti 6:4, 6:4 esebimen utty.
Juptyq synda taǵy bir qazaqstandyq Tomırıs Nurjanmen birge sońǵy básekede G.Nemchek – rýmynııalyq Anastasııa Predadan aılasyn asyrdy – 6:2, 6:2.
Bıylǵy jyl Eva Korysheva úshin tabysty boldy. Tennis Europe serııasymen ótken 4 týrnırde jeńimpaz atansa, sonyń úsheýi jekeleı syn edi.
