«Ortalyq saılaý komıssııasy Qazaqstan Prezıdenti saılaýynyń aldyn ala qorytyndysyn jarııalady. Soǵan sáıkes el azamattarynyń 81,31 paıyzy Qasym-Jomart Kemeluly Toqaevqa daýys bergeni belgili boldy», dep jazdy Máýlen Áshimbaev.
Senat Tóraǵasynyń aıtýynsha, saılaý nátıjeleri Memleket basshysynyń aýqymdy reformalary men bastamalary halyq arasynda qoldaý tapqanyn kórsetedi.
«Bul - azamattarymyzdyń bekem birliginiń arqasynda qol jetkizilgen jarqyn jáne aıqyn jeńis. Mundaǵy halyqtyń belsendiligin de atap ótken jón. Saılaýǵa 8,3 mln adam nemese barlyq saılaýshynyń 69,44 paıyzy qatysqan. Daýys berý barysyn baqylaǵan otandyq jáne halyqaralyq baıqaýshylar saılaýdyń joǵary deńgeıde uıymdastyrylǵanyn jáne ulttyq zańnamalar men halyqaralyq standarttarǵa saı ótkenin málimdedi», delingen jazbada.
Osy rette Máýlen Áshimbaev Qasym-Jomart Kemelulyn aıqyn jeńisimen quttyqtady.
«Qasym-Jomart Kemelulyn jáne barsha jaqtastaryn aıqyn jeńispen taǵy da quttyqtaımyn! Prezıdentimizdiń saıasaty aıasynda bárimiz birge jańa, órkendegen, demokratııaly jáne ádiletti Qazaqstan quramyz dep tolyq senemin», dep jazdy Senat Tóraǵasy.
