Osynaý mańyzdy kúni «Jas múgedekter qoǵamy» qoǵamdyq birlestiginiń tóraǵasy Murat Ábdimomynov daýys berý úshin qaladaǵy №74 mektep-gımnazııasynda ornalasqan №331 saılaý ýchaskesine ınvataksı arqyly keldi.
«Búgingi saılaýdan keıin elimizdiń jaǵdaıy odan ári jaqsarady jáne iske asyrylǵan kóptegen baǵdarlama sátti aıaqtalady dep senemin. Sonymen qatar «Qazaq zaǵıptar qoǵamy» qaýymdastyǵynyń qala basshylyǵy men ınvataksı qyzmetiniń qoldaýy arqyly qala shetinen kelýge jáne saılaýǵa qatysýǵa múmkindik jasaǵanyna rızshylyǵymdy bildiremin. Bul qyzmetti qalada múgedektigi bar 29 myńnan asa adam alady. Munyń bárin qala basshylyǵy, Jumyspen qamtý jáne áleýmettik qorǵaý basqarmasy uıymdastyrdy. Biz sııaqty jandardyń qoǵamnyń barlyq múshesimen birdeı negizde qalaǵan jerine barýyna múmkindigi bar ekenine qýanamyn», deıdi M.Ábdimomynov.
Elordada azamattarǵa yńǵaıly bolý úshin barlyq saılaý ýchaskesinde taktıldi baǵdarlaýshylar, shaqyrý túımesi, birqatar saılaý ýchaskelerinde lıft ornatyldy. 2 074 jeke kómekshi, 233 ymdaý tili mamany jáne 22 ınvataksı jumyldyryldy.
