Nátıjeli baǵdarlama

Shymkent qalasynyń po­lı­seıleri jańa baǵdar­lama arqyly quqyq buzýshy­lyq­tardy anyqtap, jol ústinde jıi tirkeletin zań buzý derek­teriniń aldyn alyp keledi. Máselen, sáýir aıynan bastap baǵdarlama kómegimen Shymkentte 175 460 ákimshilik quqyq buzýshy­lyq anyqtalǵan. Onyń ishin­de jal­ǵan memlekettik nómir ­ta­ǵyp júrgen – 69, avtokólik terezesin kúńgirttep alǵan – 5853, tıisti ruqsatsyz qaıta jabdyqtalǵan kólik qura­lyn basqarǵan 1430 júrgizý­shige ákimshilik hattama tolty­ryldy.

Joldyń qarsy betine shyq­qan – 302, baǵdarshamnyń tyıym salynǵan túsine (sıgnalyna) ótip ketken – 1266, jaıaý júrginshige basymdyq berme­gen – 798, kólik quralyn bas­qarýǵa quqyǵy joq 955 júr­gizýshi belgili boldy. Sondaı-aq basqarý quqyǵynan aıyrylǵan – 43, ózge de quqyq buzýshylyqtar boıynsha 164744 hattama toltyrylyp, 3905 avtokólik aıyp turaǵyna jetkizildi.

IIM derekterine súıen­sek, «Qaýipti júr­gizýshi» baǵ­darlamasynyń kó­me­gimen jyl basynan beri 8076-dan astam jol qozǵalysy erejesin buzǵan 2350 júrgizýshi ustalǵan eken.

Aıta keteıik, Ishki ister mı­nıstriniń tapsyrmasymen iske qosylǵan baǵdarlamada «Qaýipti júrgizýshi» mo­bıl­di qosymsha da ázirlen­gen. Qosymshada «Sergek» beınekameralary, IIM Jedel ­bas­qarý ortalyqtary men mo­bıldi qosymshalarynyń múm­kindikteri biriktirilgen. Polı­sııa qyzmetkerleri planshetteri arqyly júrgizýshiniń qazirgi orny týraly málimetti kóre alady.