Amerıkalyq seısmologııalyq qyzmettiń málimetinshe, jer silkinisiniń kúshi 7 baldy quraǵan. Zilzalanyń oshaǵy Gvadalkanal aralyndaǵy Malango qalasyna jaqyn jerde, 15 shaqyrym tereńdikte boldy.
Meteorologtar bastapqyda sýnamı qaýpi týraly eskertý jasaǵan. Ázirge qaza bolǵandar, zardap shekkender nemese iri qıraýlar týraly aqparat túsken joq. Biraq jergilikti BAQ ǵımarattarǵa zaqym kelgenin habarlady. Kóptegen adamdar úreılenip, jaǵalaýdaǵy aýdandardan bıik jerlerge qashyp ketti.
Malango qalasy Solomon araldarynyń astanasy Honıaradan 40 shaqyrymnan az jerde ornalasqan.
Keshe Indonezııanyń Iаva aralynda bolǵan joıqyn jer silkinisi saldarynan 160-tan astam adam qaza taýyp, júzdegen adam jaraqat aldy.
Solomon araldary men Indonezııada jer silkinisi jıi tirkeledi. Munda 540 belsendi janartaýlardyń 328-i ornalasqan.
