Qoǵam • 23 Qarasha, 2022

Qaısar qyz

256 ret kórsetildi

Estý, sóıleý qabiletinde týǵanynan kemistik bolsa da, qoǵammen aralasý múmkindigi shektelmegen rýhy bıik erekshe jandardyń tańdaǵan salasynda jetken jetistikteri talaıdy súısintedi. Osyndaı sáýleli jannyń biri – Aınur Saınovanyń aty-jóni jáne kásibi jaqynda ótken Q.Toqaev jaqtastarynyń saılaýaldy forýmynda jurtshylyqty eleń etkizdi.

Sol forýmda Prezıdenttiń aldynda qoldaý kórsetip, sóz sóılegen tańdaýly toptyń qatarynan «Sensitive» estimeıtin bıshiler teatrynyń ártisi Aınur Saınova da kórindi. Sýrdoaýdarma arqyly tilektestigin jetkizgen onyń sózine jınalǵan qaýym rızashylyǵyn bildirdi.

Sodan keıin Aınurmen habarlasyp, keńinen pikirlesýdiń múmkindigi týdy. Salasyndaǵy jetistikter jóninde biraz áńgimelegen ol sóz oraıy kelgende ómirine serik etken ónerdiń elimizde damýyna, ózi quralpas jandarǵa jasalǵan jaǵdaıǵa qatysty pikirin bildirdi.

Aınur Beıbitqyzy S.Muqanov atyndaǵy qazaq sazdy-drama teatrynda 2020 jyldan bastap ártis bolyp jumys isteıdi eken. Sondaı-aq ol – osy teatrdyń ishinen qurylǵan «Sensitive» bı teatrynyń bıshisi. Bul ansambldyń qurylǵanyna 16 jyl bolypty. Onyń qataryna Aınur 2016 jyly qosylǵan eken.

«Máskeýde mımıkalyq qımyl teatry bar. Bizdiń Petropavlda da jáne elimizdiń bas­qa qalalarynda osyndaı teatr ashylǵa­nyn qalaımyn. Sonda spektaklderde «esti­meı­tin akterler» jıi boı kórsetip, kókjıegi keńeıe túser edi. Qazaqstan – jyldan-jyl­ǵa ósip, órkendep kele jatqan el, biraq áli de estimeıtin el deýge bolady. О́ıtkeni erek­she adamdardyń úni estilmeı jatady. Olar pikirine qulaq asqanyn qalaıdy, kóbirek múmkindikter alǵysy keledi. Erekshe bala bolý jáne rıtmdi sezinip alǵa umtylý qajet álemde ómir súrý óte qıyn», deıdi keıipkerimiz.

Rasynda, mýzykany qulaǵymen emes, janymen sezinetin mundaı ónerpazdardyń talantyna tánti bolasyń. Árıne, óner joly bolǵan soń sheberligińdi qashanda shyńdap otyrý qajet. Bylaıǵy adamǵa ońaı soqpaıtyn bul salanyń soqpaq joly múmkindigi shekteýli jandarǵa tipten salmaq túsiretini anyq. Biraq olar bul qıyndyqtan qashpaı, jan qalaýy men arman-maqsaty úshin alǵa umtylýdan tanbaıdy. Bul rette memleket tarapynan erekshe adamdardyń bilimin jetildirýdi, qoldaýdy kúsheıte túsýi kerek. Mysaly, Aınur Beıbitqyzy bilim ordalarynda sýrdoaýdarmashylardyń jetispeıtindiginen, tipten joqtyǵynan qulaǵynyń, tiliniń múkisi bar jandar talaı kedergige tap bolyp otyrǵanyn alǵa tartty.

«Múgedektigi bar shyǵarmashyl jas­tardy júıeli qoldaý qajet. Bul – horeo­grafııa, ym-ısharamen oryndaý, akterlik sheberlik pánderi boıynsha sheberlik sabaqtary, konkýrs-festıvaldar. Mundaıda kózboıaýshylyqtan ada bolyp, is-sharalardy ýaqytsha emes, jyl saıyn, múmkin óńirlik, respýblıkalyq, halyqaralyq irikteýler túrinde ótkizip turý kerek. Sonda ǵana múgedektigi bar jastardyń oryndaýshylyq sheberligi men kásibıligi ósedi, ynta-jigeri, umtylysy bolady. Osynaý bastamalarǵa azamattyq qoǵam da belsendi atsalysý qajet. О́kinishtisi, bizde bir rettik jobalarǵa kóbirek mán beriledi. Sondyqtan jobalardyń turaqty bolǵanyn qalaımyz. Sonymen qatar osy sanattaǵy shyǵarmashyl jastar mamandyqtary boıynsha oqyǵysy keledi, ári qaraı óz jolyn jalǵastyrýdy kózdeıdi. Biraq olar joǵary oqý oryndaryna oqýǵa túse almaıdy. О́ıtkeni qarapaıym ǵana oqýda kómektesetin sýrdoaýdarmashylar joq. Eger bul mamandardyń qyzmeti aqyly bolǵan kúnniń ózinde, onyń ár saǵatyna tóleıtindeı bizde múmkindik joq. Osyndaıda qalaısha teń dárejede bilim alýǵa bolady degen oı keledi. Alaıda Eýropa elderinde, tipti Reseıde de osyndaı mindettiń údesinen shyǵyp otyrǵan bilim berý júıesi bar», deıdi A.Saınova.

Salasyndaǵy biraz jaıttan habardan etken keıipkerimiz osy ýaqytqa deıin jetken jetistikterine toqmeıilsimeı, áli talaı asýdy baǵyndyrǵysy keledi eken. Sonyń biri – bolashaqta ózin fılmderde nemese serıaldarda basty rólden kórý. Laıym, oılaǵany oryndalyp, talantyn shyńdaýda qajyrly eńbek etip júrgen Aınurdyń talabyna nur jaýsyn degen tilektestigimizdi bildiremiz.

Sońǵy jańalyqtar

Qaterli isikti emdeýdiń jańa ádisi

Medısına • Búgin, 21:15

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar