Prezıdent • 26 Qarasha, 2022

Búgin Prezıdent birneshe Jarlyqqa qol qoıady

83 ret kórsetildi

Bul týraly Qasym-Jomart Toqaev ulyqtaý rásiminde aıtty, dep habarlaıdy Egemen.kz.

«Memlekettik qurylysta biz «kúshti Prezıdent – yqpaldy Parlament – esep beretin Úkimet» formýlasyn naqty ustanamyz. Prezıdent saılaýy bıliktiń barlyq negizgi ınstıtýtyn dáıekti túrde jańǵyrtý úderisin bastaýǵa jol ashty. Saılaý aýqymdy elektoraldy sıkldiń bastapqy kezeńi boldy.

Biz saıası jańǵyrý úderisin josparly túrde jalǵastyramyz. Búgin men «Qazaqstan Respýblıkasy Parlamenti Senaty depýtattarynyń saılaýyn taǵaıyndaý týraly» Jarlyqqa qol qoıamyn. Osylaısha, joǵarǵy palata depýtattarynyń kezekti saılaýy konstıtýsııalyq reformany naqty júzege asyrýdyń jalǵasy bolmaq. Saılaý qorytyndysy boıynsha Senattyń depýtattyq korpýsynyń bir bóligi básekelestik jáne ashyqtyq qaǵıdattary negizinde jańarady.

Budan bólek, búgin men konstıtýsııalyq reformany júzege asyrýdyń kelesi satysy retinde «Qazaqstan Respýblıkasy Joǵary aýdıtorlyq palatasynyń keıbir máseleleri týraly» Jarlyqqa qol qoıamyn. Kelesi kezeń – ony tolyqqandy transformasııalaý», dedi Memleket basshysy.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar