«Ulttyń bostandyq jolyndaǵy tabandy kúresiniń arqasynda Qazaq eli Táýelsizdigin aldy. Egemen memlekettiń qurylýyna, onyń irgesin bekitý jolynda orasan zor eńbek sińirgen tarıhı tulǵalarymyzǵa ádil baǵa berýimiz kerek. Tabystardy jáne olqylyqtardy ajyratatyn bul – ýaqyt jáne tarıh. Ýaqyt – eń ádil qazy, al tarıh – bárine tarazy. Sondyqtan saıası naýqanshylyqqa jol bermeýimiz qajet», dedi Q.Toqaev.
Sondaı-aq ol bolashaqta ádiletti memleket bolý úshin ótkenge ádildikpen qarap, odan taǵylym alýdy alǵa tartty.
«Jaqsydan úırenip, jamannan jırený – ósetin eldiń belgisi. Kerisinshe, otanshyldyq, eńbekqorlyq, bilimpazdyq, jańashyldyq, jasampazdyq, janashyrlyq, meıirimdilik sııaqty asyl qasıetterdi boıǵa sińirýimiz qajet. Men bul týraly jıi aıtyp júrmin», dedi Memleket basshysy.
