Qoǵam • 26 Qarasha, 2022

Ádiletti Qazaqstanda eńbek adamyna erekshe qurmet kórsetiledi

61 ret kórsetildi

Memleket basshysy Qasym-Jomart Toqaev ulyqtaý rásiminde tájirıbesi men bilimin, múlki men qarajatyn qoǵamǵa rııasyz usynatyn búginginiń batyrlary jaıynda sóz etti, dep habarlaıdy Egemen.kz

«Ádiletti Qazaqstanda eńbek adamyna erekshe qurmet kórsetilýge tıis. Ásirese, ustaz, dáriger, tártip saqshysy, qutqarýshy, jumysshy, sharýa sııaqty mamandardyń mártebesin odan ári arttyra túsýimiz qajet. Olar elimizdegi eń syıly azamattarǵa aınalýy kerek. Osy kásip ıeleri tıisti qurmet pen syıǵa ıe bolǵanda ǵana qoǵamymyz shynymen jańardy dep aıta alamyz», dedi Memleket basshysy.

Onyń aıtýynsha, naǵyz qaharmandar jurttyń nazarynan tys jerde. Olar bizdiń aramyzda. Batyrlar kún saıyn zaýyt stanogynda jumys isteıdi, qoǵamdyq kólik júrgizedi, ushaq shtýrvalyna otyrady, qutqarýshynyń qorǵanys kıimin kıedi, naýqasqa jedel járdem berýge asyǵady, áskerı tehnıkany meńgeredi.

«Naǵyz batyrlar balalarymyz ben qart ata-analarymyzdyń dastarhany as-aýqat toly bolýy úshin aýylda tańmen talasa oıanady. Bizdiń batyrlar – óziniń jeke kásibin bastaıtyn, jumys oryndaryn ashatyn, qyzmetkerleri men olardyń otbasylaryna jańa múmkindikter týdyratyn kásipkerler. Bizdiń batyrlar – óziniń mahabbaty men kúsh-qýatyn, tájirıbesi men bilimin, múlki men qarajatyn qoǵamǵa rııasyz usynatyn eriktiler men ıgi is jasaıtyndar. Olardyń barlyǵy – halyqtyń maqtanyshy ári úmiti. Mine, osyndaı eńbek adamdary – elimiz ben memleketimizdiń tiregi», dedi Q.Toqaev.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar