Medısına • 05 Jeltoqsan, 2022

Jasandy júrek te ómirdi uzartady

100 ret kórsetildi

Buǵan deıin «Júrekti mehanıkalyq qoldaý» baǵdarlamasy Astanadaǵy Ulttyq kardıohırýrgııa ǵylymı ortalyǵynda engizilse, endi Almatydaǵy Kardıologııa jáne ishki aýrýlar ǵylymı-zertteý ınstıtýty da 60 jastaǵy pasıentke júrektiń jasandy sol jaq qarynshasyn (LVAD) ımplanttaý operasııasyn sátimen atqardy. Bul operasııany Almaty kardıohırýrgteri Astanadaǵy Ulttyq kardıohırýrgııalyq ǵylymı ortalyǵyndaǵy áriptesterimen birge jasady.

«Kómekshi mehanıkalyq qu­rylǵy – shýntteý, klapandardy protezdeý, kardıostımýlıatordy ımplantasııalaý nemese dári-dármekpen emdeý sııaqty basqa em túrleri kómektese almaıtyn jú­rek aýrýynyń aýyr nemese ter­mı­naldyq satysyndaǵy pa­sıent­terge salynady», dedi KIAǴZI kardıohırýrgııa bó­limshesiniń meńgerýshisi Rústem Tóleýtaev.

Mamandar qazir jer betinde 26 mıllıondaı adam júrek qyz­meti jetkiliksizdiginen qına­latyndyǵyn aıtady. Pasıent­terdiń 20 paıyzynda aýrýy asqynyp ketedi. Osy derttiń sal­darynan jyl saıyn 1 mln adam aýrýhana tósegine tańy­lady.

Qarapaıym tilmen aıtqanda, bul keseldi júrek bulshyqetiniń aǵzany qan men ottegige qajet­tiligin qanaǵattandyrý úshin jetkilikti mólsherde qan aıdaı almaıtyn sozylmaly, ór­shı beretin ahýal. Naýqasty entigý, keýdeniń qysylýy, aıaq­tyń isinýi, búıregi mazalaıdy. Munyń sońy asqyna kele ajal qushtyrýy múmkin. Son­dyqtan sozylmaly júrek fýnk­sııasynyń jetkiliksizdigi qa­terli isikten keıingi ólim-ji­timge jeteleıtin aýrýlardyń ba­synda tur. Al LVAD ımplantasııasy aýyr SJJ dıagnozy qoıylǵan naýqastardy emdeýdiń jańa dáýiri desek te bolady.

 «Implantasııalanatyn jú­rek sorǵysy júrekke qan­dy bú­­kil aǵzaǵa aıdaýǵa kómek­te­sedi jáne SJJ belgilerin je­ńil­­detedi. Osydan keıin jú­rek qyz­meti jaqsaryp, naý­qas­qa júrek transplanta­sııa­syn kútýge múm­kindik beredi. Keıbir naýqastar úshin bul ómirdi uzar­týdyń jalǵyz múm­kindigi. Biz júrekke joǵary tehnologııalyq operasııalardyń barlyq túrin jasaımyz. Kele­shekte júrek patologııasyn em­deýdiń jańa zamanaýı ádis­te­rin ulǵaıtýdy jáne odan ári engizýdi josparlap otyrmyz», deıdi Kardıologııa jáne ishki aýrýlar ǴZI basqarma tóraǵasy, professor Roza Qýanyshbekova.

Klınıka basshysynyń aı­týyn­sha, eki tútigi bar, bireýi qol­qaǵa, ekinshisi júrektiń sol jaq qa­rynshasyna qosylǵan shaǵyn sorǵy sol jaq qaryn­sha­nyń qyz­metin atqarady. LVAD ómir­di uzartýǵa, burynǵy qalpyna ora­lýǵa múmkindik be­redi. Ja­sandy júregi bar naý­qastyń basqa adamdardan aıyr­mashylyǵy – onyń tamyr so­ǵysy bolmaıdy.

Almatyda eń birinshi bolyp júrektiń jasandy qarynshasy salynǵan Almaty oblysynyń 60 jastaǵy turǵyny Ǵappar Qa­lıevqa 2020 jyly kardıo­verter-defıbrıllıator ımplan­ta­sııalanǵan. Basqa da qosymsha aýrýlar mazalaǵan naýqasqa ja­salǵan bul operasııa da sátti ótti.

 

ALMATY

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar