Depýtat áleýmettik tólemderdi bir kórsetkish boıynsha esepteýdi usynyp otyr.
«Táýelsizdik tabaldyryǵynda engizilgen aılyq eseptik kórsetkishti (AEK) paıdalaný jalǵasyp keledi. Iá, bul josparlaýǵa yńǵaıly bolar, biraq AEK ekonomıkaǵa da, jalaqyǵa da baılanysty emes. Sondyqtan aldaǵy ýaqytta áleýmettik tólemderdi bir kórsetkish boıynsha aýdarýdy maqsatqa saı dep sanaımyz. Ne eń tómengi kúnkóris, ne eń tómengi jalaqy mólsheri shamasynda», dedi depýtat Májiliste ótken Úkimet saǵatynda.
Ol áleýmettik parametrlerdi ólsheýdiń adekvatty ádistemeleriniń joqtyǵy da alańdaýshylyq týǵyzatynyn atap ótti. Osylaısha, Nurmanbetovanyń aıtýynsha, bıylǵy jyldyń 10 aıynda azyq-túlik ınflıasııasy shamamen 20 paıyzǵa jetken.
«Iаǵnı, zeınetaqy men járdemaqyny esepteý úshin belgilengen eń tómengi kúnkóris deńgeıi endi azamattardy tıisti áleýmettik tólemdermen qamtamasyz etýge múmkindik bermeıdi. Sondyqtan mınıstrlikke eń tómengi kúnkóris deńgeıin esepteý ádistemesin jetildirý jumystaryn bastaýdy usynamyz», dep qorytyndylady depýtat.
Aıta keteıik, «2022-2024 jyldarǵa arnalǵan respýblıkalyq bıýdjet týraly» zańǵa engizilgen túzetýlerge sáıkes, Qazaqstan 2022 jyly birqatar eseptik kórsetkishterdiń kólemin ulǵaıtty.
