О́tken demalys kúnderi jolshylar respýblıkalyq avtojoldardy óńdeýge 400 m3 astam qum-tuz qospasyn jumsady. Sondaı-aq demalys kúnderi QazAvtoJol qyzmetkerleri respýblıkalyq trassalardy paıdalanýshylarǵa kómek kórsetti.
Máselen 5 jeltoqsan túngi saǵat 01:00 shamasynda «Almaty-Ekaterınbýrg» avtojolynyń 1365 shaqyrymynda Tatarstannan Saran qalasyna sapar shekken kólik buzylyp, jolda turyp qalǵan. Ýchaskeni tikeleı qadaǵalaıtyn kezekshiliktegi jolshy maman 15 mınýt ishinde kólik turyp qalǵan jol ýchaskesine kelip, úsh jolaýshyny bazaǵa evakýasııalady.
Sondaı-aq 5 jeltoqsan túngi saǵat 02:00 shamasynda «Aqtóbe-Aqtaý» baǵytynda jol júrgen júrgizýshige kómek kórsetildi. Dızeldi qozǵaltqyshta janarmaıy taýsylǵan júrgizýshi tońyp, QazAvtoJoldyń táýlik boıy jumys isteıtin baılanys ortalyǵyna júgingen. Jolshylar oǵan janarmaı aparyp, kómek qolyn sozypty.
Aıta ketsek, eger shtattan tys jaǵdaı týyndasa júrgizýshiler men jolaýshylarǵa 1403 qysqa nómiri boıynsha QazAvtoJoldyń táýlik boıy jumys isteıtin call-ortalyǵyna habarlasýǵa keńes beriledi.
Búgingi tańda respýblıkalyq mańyzy bar tasjoldar ashyq.
