COVID-19: «Serber» shtamy qanshalyqty qaýipti?

Búgingi tańda elimizde indet juqtyrý kórsetkishiniń artýy baıqalady. Koro­navırýs ınfeksııasynyń taralýyna jol bermeý jónindegi vedomstvoaralyq ko­mıssııanyń deregi boıynsha, qarasha aıyn­da aldyńǵy aımen salystyrǵanda indet juqtyrý 1,6 ese ósken. Elimizdiń 3 óńirinde – Almaty, Astana jáne Qaraǵandy oblysynda aýrýshańdyq apta saıyn 2,2 esege deıin ósip jatyr eken. Sondaı-aq 5 óńirde (Aqmola, Atyraý, Jambyl, Ulytaý oblystary, Shymkent qalasy) keıingi aptadan bastap syrqattanýshylyq aptasyna 3,5 esege deıin birtindep ósip keledi.

Koronavırýsqa qarsy turar túrli amal taýyp, kúresip baqqanymyzben, jaǵdaıǵa beıimdelgish «jany siri» indet mýtasııaǵa ushyrap, aınalyp kelip jaý­daı tııýin tyıar emes. Qaıtpaıtyn vı­rýstyń osy kúnge deıin birneshe shtamy paıda bolyp, qanshama jurtty qan qaqsatty. Endi «Serber» deıtin taǵy bir túri shyǵyp, elimizden muny juqtyrǵan adam da anyqtaldy. Alaıda mamandar «Omıkron» shtamynyń mýtasııalanǵan túrine jatatyn bul «Serberdiń» asa qaýipti emes ekenin aıtyp otyr.

Densaýlyq saqtaý mınıstrligi Sanı­ta­rııalyq-epıdemıologııalyq baqy­laý komıtetiniń málimeti boıynsha, Qazaq­standa «Omıkron» shtamynyń «Serber» sýbgenetıkalyq jelisi tolyq genom­dyq sekvenırleý nátıjesinde tabyldy. Atalǵan komıtettiń ókili Jasulan Alpys­baev jańa shtamm jeńil ótetinin, buny emdeý koronavırýs ınfeksııasynyń basqa shtamdarynan erekshelenbeıtinin aıtty.

«SARS-CoV-2 vırýsynyń genetı­kalyq sıpattamasyn tolyq genomdyq sekve­­nırleý ádisimen qarasha aıynda «Omıkron» nusqasynyń aınalymy anyq­tal­dy. Onyń 0,5%-da BQ.1.1 sýbgene­tıka­lyq jelisi («Serber») tabyl­dy, al 99,5%-da – «Omıkron» shtamy­nyń bas­qa nusqalary. «Serber» shtamy­nyń belgi­leri «Omıkronnyń» buryn­ǵy kishi túr­leri­nen aıtarlyqtaı erekshe­len­beıdi. Aýrý kóbinese jiti respıra­tor­lyq aýrý­dyń je­ńil túrinde ótedi. Qy­zý­dyń kóteri­lýi, býyn aýrýy, azdap mu­ryn­­nan sý aǵý, álsizdik bolýy múmkin, keı­bi­reý­lerin­de ishek aýrý­lary bola­dy», deıdi J.Alpysbaev.

Onyń sózine qaraǵanda, shtamm tez juǵady, alaıda asa qaýipti emes. Naýqastardy dıag­nostıkalaý jáne emdeý basqa COVID-19 shtamdarynan erekshelenbeıdi. Infeksııadan qorǵanýdyń tásili – COVID-19-ǵa qarsy vaksınalaý men revaksınalaý.

Qazirgi ýaqytta mýta­sııa­­lan­ǵan «Serber» 65-ten asa elde, sonyń ishin­de Re­seıde, AQSh-ta, Eýro­pa el­de­rinde anyq­taldy.

Jalpy, elimizde 6 jel­toq­sandaǵy derekke súıen­sek, koronavırýs ınfeksııasynan barlyǵy 1 374 adam emdelip jatyr. Bul qatarda koronavırýs pnevmonııasyna shaldyqqan 191 naýqas stasıonarda, al 1 183 naýqas ambýlatorııalyq deńgeıde em qabyldap jatyr. Indet juqtyrǵandardyń ishinde 5 adamnyń jaǵdaıy aýyr, 3 pasıenttiń jaǵdaıy óte aýyr, 4 naýqas ókpeni jasandy jeldetý apparatyna qosylǵan.

О́tken táýlikte koronavırýs juqtyrǵan 140 adam anyqtaldy. Al koronavırýs pnevmonııasyna shaldyqqandar tirkelgen joq. Biraq burnaǵy kúni bir adamnyń pnevmonııa­dan qaıtys bolǵany belgili boldy.

Mıllıonnan asa halqy bar Astanadaǵy ahýalǵa toqtalsaq, koronavırýs juqtyrǵan 99 adam ınfeksııalyq stasıonarda emdelip jatyr. Onyń ishinde 19 adam pnevmonııaǵa shaldyqqan. Al jansaqtaý bólimshesinde 8 pasıent jatyr, onyń tórteýi О́JJ apparatyna qosylǵan.

Jalpy, elordada búginge deıin 265 921 KVI juqtyrý jaǵdaıy tirkelse, onyń 99%-y aýrýynan aıyqqan. Kún saıyn jedel medısınalyq járdem stansasyna KVI boıynsha orta eseppen 8 adam júginip jatyr eken. Al bir táýlikte 400-den asa adamǵa PTR zertteýi júr­gizilip, 64 adamnyń indet juq­tyrǵany anyqtalǵan. Onyń ishinde 6 adam indetti qaı­ta juqtyrypty.

Joǵaryda aıtylǵandaı, bul indetke qarsy turýdyń birden-bir joly – vaksına saldyrý. Qalaı degenmen, koro­navırýsqa qarsy vak­sı­nanyń tolyq komponentin qabyldaǵandardyń ımmýnıteti jańa shtamdarǵa tótep bere alatyndaı áleýetti bolatynyn mamandar qaperge salyp otyr. Bul rette elimizde búginge deıin koronavırýsqa qarsy vaksınalardyń birinshi komponentin 10 849 289 adam, al ekinshi komponentn 10 613 754 adam saldyrǵanyn aıta ketken jón.

Halyqty koronavırýs ın­fek­sııasyna qarsy vaksın­laýmen qamtamasyz etý maq­satynda óńirlerge 12 jastan asqandardy vaksınalaý jáne revaksınalaý úshin Pfizer vak­sınasynyń 200 myń dozasy jetkizildi. Ujymdyq ım­mý­nıtetti saqtaý úshin soń­ǵy vak­­sınalaýdan keıin 6 aı ara­lyqpen koronavırýs ınfeksııa­syna qarsy revaksınalaý alý qajet. Bul úshin respýblıkada koronavırýs ınfeksııasyna qarsy vaksınalar mólsheri jetkilikti.