Taǵaıyndaý • 08 Jeltoqsan, 2022

Memleket basshysy oblys ákimderin qabyldady

97 ret kórsetildi

Qasym Jomart Toqaevqa Batys Qazaqstan, Pavlodar, Soltústik Qazaqstan jáne Qostanaı oblysynyń ákimderin qabyldady, dep habarlaıdy Egemen.kz.

Qasym Jomart Toqaevqa Batys Qazaqstan oblysynyń ákimi Narıman Tóreǵalıev óńirdiń bıylǵy áleýmettik-ekonomıkalyq damýynyń negizgi kórsetkishteri týraly baıandady. Sondaı-aq ınvestısııalyq jobalardyń jáne Jumyspen qamtý jol kartasynyń júzege asyrylý barysy týraly málimet berildi.

Sonymen qatar Prezıdenttiń qabyldaýynda bolǵan Pavlodar oblysynyń ákimi Asaıyn Baıhanov Ekibastuz JES-iniń jylý jelilerindegi apattyń saldaryn joıýǵa baǵyttalǵan sharalar jóninde esep berdi. Onyń aıtýynsha, Ekibastuz qalasynyń jylý júıesin qalpyna keltirý jumystary 15 jeltoqsanǵa deıin aıaqtalady. Kezdesýde oblystyń negizgi áleýmettik-ekonomıkalyq kórsetkishteri jáne aýyl sharýashylyǵyn damytý, aýyl halqyn sapaly aýyzsýmen qamtamasyz etý, kólik ınfraqurylymy men turǵyn úı qurylysyn damytý jónindegi tapsyrmalardyń oryndalý barysy baıandaldy.

Budan keıin Memleket basshysynyń qabyldaýynda Soltústik Qazaqstan oblysynyń ákimi Aıdarbek Saparov boldy. Ol óńirdi damytý jospary men berilgen tapsyrmalardyń oryndalýy jóninde málimet berdi.

Qasym-Jomart Toqaevqa Qumar Aqsaqalov Qostanaı oblysynyń qazirgi áleýmettik-ekonomıkalyq damýynyń negizgi kórsetkishteri týraly esep berip, óńirdegi áleýmettik-ekonomıkalyq ósim men ınvestısııa tartý jóninde baıandady. Sonymen qatar ákim Prezıdentke Qostanaıda ótetin HIH óńiraralyq forýmǵa daıyndyqtyń bastalǵanyn jetkizdi.

Memleket basshysy jańadan taǵaıyndalǵan oblystardyń ákimderine óńirlerdi damytý jáne turǵyndardyń ál-aýqatyn arttyrý jóninde birqatar naqty tapsyrma berdi. Sondaı-aq aýyl sharýashylyǵyna jan-jaqty qoldaý kórsetý arqyly aýyldardyń órkendeýin qamtamasyz etýdi, ınfraqurylymdardy jańǵyrtyp, kólik-logıstıkalyq ahýaldy jaqsartýdy tapsyrdy.  

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar