«Bıyl 29 qarasha men 14 jeltoqsan aralyǵynda respýblıka boıynsha Parlament Senatynyń depýtattyǵyna 130 kandıdat usynyldy. Senat depýtatynyń bir ornyna 6 adamnan úmitker», dedi jıyn barysynda Ortalyq saılaý komıssııasy tóraǵasynyń orynbasary Konstantın Petrov.
Onyń aıtýynsha, óńirler boıynsha eń kóp úmitkerler Abaı, Batys Qazaqstan jáne Qyzylorda oblystarynda – árqaısysy 8 kandıdattan, Astana men Almatyda 10 kandıdattan usynyldy. Eń az úmitker Aqmola, Aqtóbe, Shyǵys Qazaqstan, Almaty, Jambyl, Qostanaı, Pavlodar, Soltústik Qazaqstan oblystarynda usynyldy – 5 adamnan. Shymkent qalasynda bir orynǵa 6 kandıdat úmitker.
«Úmitkerlerdiń basym kópshiligi ózin-ózi usynǵandar. Dálirek aıtsaq, barlyǵy 130 depýtat ótinish berse, úsh kandıdatty keıin máslıhat ózi usyndy. Úmitkerlerdiń ortasha jasy – 50,5 jas. Eń kishisi Aqtóbe oblysynda 30 jasta, eń úlkeni Batys Qazaqstan oblysynda 74 jasta. Usynylǵan kandıdattardyń tórtten biri áıelder, ıaǵnı 130-dyń 33-i», dedi spıker.
Ol qujattarmen jumys 24 jeltoqsanǵa deıin jalǵasatynyn atap ótti. «Qazaqstan Respýblıkasyndaǵy saılaý týraly» zańǵa sáıkes kandıdattardan qujattardy qabyldaý, sáıkestikti anyqtaý jáne kandıdattardy tirkeý tártibin aýmaqtyq saılaý komıssııalary qamtamasyz etedi. Saılaý komıssııalary 49 kandıdatty tirkedi.
