Baspana áleýmettik osal toptar sanatyndaǵy otbasylar men ata-anasynyń qamqorlyǵynsyz qalǵan balalarǵa berildi. Jańa qonys ıelerin quttyqtaýǵa kelgen Túrkistan oblysynyń ákimi Darhan Satybaldy Táýelsizdik jyldary bir ǵana Tólebı aýdanynda memleket esebinen 30-ǵa jýyq kópqabatty turǵyn úıdiń qurylysy júrgizilip, 1 500 otbasy qonys toıyn toılaǵanyn atap ótti. Sondaı-aq aýdannyń qurylǵanyna 90 jyl tolýyna oraı aýdan ortalyǵynda Tólebı babanyń eńseli eskertkishi ashyldy. «Tólebı baba» saıabaǵynda ornalasqan bıiktigi 23 metr bolatyn mys eskertkish kásipker Áset Qaıypbekovtiń demeýshiligimen jasalǵan. Músin salmaǵy – 25 tonna. Merekelik jıynda Tólebı aýdanynyń tarıhy dáriptelip, tarıhı tulǵa týraly derekter aıtyldy. Aqsý, Saıramsý, Badam ózenderi aǵyp ótetin Tólebı aýdany tarıhı muralarymyzǵa óte baı. Túrkistan oblysyndaǵy eń bıik núkte – Saıram shyńy osy aýdanda ornalasqan. О́lkede 100-den asa arheologııalyq, arhıtektýralyq jáne tarıhı eskertkishterdiń orny belgilengen. Aýdannan tabylǵan mádenı oshaqtar ashyq aspan astyndaǵy murajaıǵa aınalyp otyr.
Túrkistan oblysy
