«Avtojol qurylysy boıynsha barlyq negizgi degen jumystar aıaqtaldy. Qazirgi ýaqytta abattandyrý jáne jol aqysyn alý júıesi ornatylyp jatyr. Konsessııa týraly zańǵa sáıkes jobalar ınvestorlarǵa memleket balansyna qabyldanǵannan keıin ǵana beriledi. Osyǵan baılanysty paıdalanýǵa berý 2023 jyldyń ekinshi jartysyna josparlanyp otyr», dep habarlady IIDM Avtomobıl joldary komıtetiniń tóraǵasy Tólegen Abdýllın.
Aıta keteıik, ÚAAAJ-yn iske asyrýdy túrik-koreı konsorsıýmy júzege asyrady. Júrdek jol negizinen alty jolaqty, al keıbir jerlerde tórt jolaqty bolmaq. Sondyqtan ruqsat etilgen maksımaldy jyldamdyqta, ıaǵnı saǵatyna 110-140 shaqyrym júrgen jaǵdaıda, 66 shaqyrym qashyqtyqty nebári jarty saǵatta eńserýge ábden bolady.
«Bul memlekettik-jekeshelik áriptestik aıasyndaǵy Ortalyq Azııadaǵy jol qurylysynyń eń iri ınfraqurylymdyq jobasy. Atalǵan jobany iske asyrý joldyń tranzıttik áleýetin joǵarylatyp, tranzıttik marshrýttardyń básekege qabilettiligin arttyrady. Sondaı-aq jol qozǵalysy qaýipsizdigin qamtamasyz etip, megapolıs kóshelerindegi keptelisti azaıtady jáne ekologııalyq jaǵdaıdy jaqsartady», dep atap ótti QR IIDM Avtomobıl joldary komıtetiniń tóraǵasy Tólegen Abdýllın.
Aıta ketý kerek, ÚAAAJ Qaskeleń mańyndaǵy Qyrǵaýyldy aýylynan bastalyp, Talǵar janyndaǵy Qyzylqaırat aýylynda aıaqtalady. Atalǵan tas jol Almaty oblysynyń Qarasaı, Ile jáne Talǵar aýdandaryndaǵy 14 eldi meken arqyly ótetin bolady. Bul avtojol Batys Qytaı - Batys Eýropa tranzıttik dáliziniń negizgi býyny bolýy kerek.
