Vedomstvo hsbarlaǵandaı, qajetti synamalar alynyp, «Veterınarııa jónindegi ulttyq referenttik ortalyq» RMK-ǵa jiberildi. 2022 jylǵy 21 jeltoqsanda (№ 1-S23R-14/B-18-05) ólgen qustardan qus tumaýyna alynǵan patologııalyq materıaldary oń nátıje nátıje kórsetti.
Komıtet shuǵyl sharalardy júrgizý jáne úı qustarynyń arasynda ınfeksııanyń taralýyna jol bermeý maqsatynda respýblıkalyq qordan qaýip tóngen aımaqtardaǵy barlyq úı qustaryn vaksınasııalaý úshin 18 644 doza vaksına bóldi. Sondaı-aq óńirge respýblıkalyq epızootııaǵa qarsy otrıadtyń mamandary jumyldyryldy.
«Jergilikti atqarýshy organdar joǵary patogendi qus tumaýy boıynsha turaqty epızootııalyq jaǵdaıdy saqtaý maqsatynda sharýashylyq júrgizýshi sýbektiler, veterınarııalyq dárigerler, ańshylar, qoryqshylar, turǵyndar jáne basqa da múddeli tulǵalardyń (qustary bar) arasynda túsindirý jumystaryn júrgizedi. Qus fabrıkalary jabaıy jáne sınantropty qustardyń jem-sý qoımalary men qustardy ustaıtyn ǵımarattarǵa jaqyndaýyna jol bermeý úshin veterınarııalyq is-sharalardy kúsheıtedi», delingen habarlamada.
Búgingi tańda respýblıkada úı qustary arasyndaǵy qus tumaýy boıynsha epızootııalyq jaǵdaı turaqty.
Bıyl Qazaqstan aýmaǵynda 14930180 bas úı qusyna qustardyń joǵary patogendi tumaýyna qarsy vaksınasııa júrgizý josparlanǵan.
