Zań sheńberinde elektr energııasyn ortalyqtandyrylǵan satyp alý men satýdy, sondaı-aq naqty ýaqyt rejıminde teńgerimdeýshi naryqty engizýdi kózdeıtin naryqtyń jańa nysanaly modeline kóshý kózdeledi. Bul sharalar energııa júıesindegi teńgerimsizdikterdi azaıtýǵa jáne jańa energııa kózderinen joǵary tarıfterdiń áserin teńestirýge múmkindik beredi.
Vıse-mınıstrdiń aıtýynsha, jóndeý naýqandary men ınvestısııalyq baǵdarlamalardy qatań baqylaýdy qamtamasyz etý bóliginde energetıkalyq qadaǵalaý komıtetiniń róli kúsheıedi.
Joǵary tozýdy tómendetý maqsatynda «ınvestısııalarǵa aıyrbastaý tarıfi» baǵdarlamasy qabyldanady, ol energııa jáne jylý óndirýshi uıymdardyń qoldanystaǵy aktıvterin qaıta qurýǵa, jańǵyrtýǵa jáne keńeıtýge múmkindik beredi.
2023 jyldyń 1 toqsanynda elimizdiń barlyq JEO aýdıti aıaqtalady, bul problemalardy jáne olardyń qazirgi tehnıkalyq jaı-kúıin anyqtaıdy.
2022 jyldyń 11 aıynda Almaty oblysynda elektr energııasyn óndirý kólemi 6 mlrd kVtsaǵ qurady. Bul rette tutyný 10,2 mlrd. kVtsaǵ quraıdy.
Sonymen qatar, Jandos Nurmaǵanbetov Almaty oblysynyń jańartylatyn energııa kózderin (JEK) damytý áleýeti joǵary ekenin atap ótti. Búgingi tańda óńir respýblıkada JEK qýaty boıynsha 2 oryn alady nemese 23 obekti óndiretin 419,2 MVt, onyń ishinde qýaty 196,5 MVt 11 JES, qýaty 206 MVt 6 GES, qýaty 160,35 MVt 6 kún elektr stansııasy.
2025 jylǵa deıin qýattylyǵy 123,2 MVt 12 nysan, onyń ishinde qýattylyǵy 64,95 MVt 3 JES, qýattylyǵy 51,8 MVt 7 GES, qýattylyǵy 6,4 MVt 2 bıoelektrostansııa salý josparlanýda.
