Qazaqstan tennıs federasııasynyń habarlaýynsha, Hopman kýbogi jáne ATP Cup jarysynyń ornyn basatyn atalǵan dodaǵa qatysýshylar ATP jáne WTA reıtıngisinde 500 upaıǵa deıin ıe bolyp, sondaı-aq tabys qoryn tolyqtyra alady.
Qazaqstan namysyn Iýlııa Pýtınseva (№51), Jibek Qulambaeva (juptyq synda №202), Gózal Aınıtdınova (juptyq synda №392), Aleksandr Býblık (№37), Tımofeı Skatov (№142), Denıs Evseev (№292) jáne Grıgorıı Lomakın (juptyq synda №205) qorǵaıdy.
V tobynda qazaqstandyqtar Polsha jáne Shveısarııa quramalarymen synǵa túsedi. Bul toptaǵy básekelerdiń bári Brısbende ótedi.
Bir qyzyǵy, Qazaqstan áıelder quramasy Polsha tennısshilerimen Bıllı Djın Kıng kýboginiń irikteý satysynda aldaǵy jyldyń sáýirinde Astanada da oınaıdy.
Polsha quramy: Iga Sventek (№1), Hýbert Hýrkach (№10), Magda Lınett (№48), Kasper Jýk (№245), Danıel Mıhalskıı (№260), Alısııa Rosolskaıa (juptyq synda №32), Lýkash Kýbot (№245).
Shveısarııa: Belında Benchıch (№12), Sten Vavrınka (№148), Jıl Taıhman (№35), Mark-Andrea Hıýsler (№56), Ilena In-Albon (juptyq synda №124), Domınık Stefan Shtrıker (№118), Djoan Sýger (№188), Aleksander Rıchard (№169).
29 jeltoqsan kúni qazaqstandyqtardan alǵashqy bolyp Iýlııa Pýtınseva, ile-shala Tımofeı Skatov shyǵady. Pýtınseva shveısarııalyq Belında Benchıchpen sheberlik baıqasady. Onymen bes ret kezdesip, úsheýinde jeńgen edi. Skatovtyń qarsylasy – Mark-Andrea Hıýsler.
