Máslıhatta talqylanǵan ekinshi másele - Astana qalasynyń keıbir quramdas bólikterine ataý berý.
«Onomastıka komıssııasynyń otyrysynda biz birneshe máselelerdi qarastyrdyq. Olardyń birinshisi qoǵamdyq keńesterde, máslıhat otyrystarynda talqylandy. Biz elordanyń sol jaǵalaýyndaǵy ál-Farabı dańǵyly 38 kóshesin ataý týraly sheshim qabyldadyq. Bul kóp jolaqty kóshe - Táýelsizdik dańǵylynyń jalǵasy. Bolashaqta ol úlken dańǵyldardyń birine aınalady. Memleket basshysy Qasym-Jomart Toqaev elordalyq kóshelerdiń birin Asqar Zabıkýlınniń esimimen ataýdy tapsyrdy. «Úrker» turǵyn alabyndaǵy 583 kóshesin qyzmettik boryshyn oryndaý kezinde qaza tapqan órt sóndirýshi-qutqarýshy Asqar Zabıkýlınniń esimimen ataýdy usynamyz», dedi elordalyq tilderdi damytý jáne arhıv isi basqarmasynyń basshysy Sáken Esirkep.
Barlyq depýtattar bul bastamalardy qoldady.
