Atalǵan bank tek aıaqtalyp kele jatqan jylda 80 myńǵa jýyq otbasynyń qonys toıyna jetýine septesti. Iаǵnı 2022 jyly osynshama shańyraqtyń turǵyn úı máselesin sheshýge zaem berildi. Sondaı-aq bıyl 600 719 adam «Otbasy bankten» jańa depozıt ashqan. Búgingi tańda banktiń jalpy depozıttik portfeli 2 trln teńgege teń.
Osylaısha, jyldyń óne boıynda myńdaǵan otandasymyzdy armanyna jetkizgen «Otbasy banktiń» bitirgen sharýalaryna sholý jasaıtyn dástúrimizge bıyl da oraldyq.
Tek bıyldyń ózinde banktiń 80 myńǵa jýyq klıenti qýanyshty kúnge jetse, onyń ishinde memlekettik baǵdarlamalar aıasynda kezekte turǵan 10 518 adam «Otbasy bank» kómegimen úıli boldy. «Baqytty otbasy» baǵdarlamasy arqyly 1 247 qazaqstandyqtyń baspana máselesi sheshildi. «Shańyraq» baǵdarlamasymen – 5 989 otbasy, «Nurly jer» baǵdarlamasynyń arqasynda 3 282 otbasy óz baspanalaryna qol jetkizdi.
Búgingi tańda «Otbasy bank» uzaqmerzimdi depozıtter naryǵynda birinshi orynǵa shyqty. Qazir banktiń 2,5 mln salymshysy qarajat jınap jatyr. Kún saıyn bankte 2 myńǵa jýyq jańa depozıt ashylady. Keleshekte olar alǵashqy jarnaǵa qajetti somany jınap, jyldyq 3,5%-dan (JTSM 3,6% bastap) 11,5%-ǵa (JTSM 11,2% bastap) deıingi mólsherlememen nesıe ala alady.
Ipoteka naryǵynda da «Otbasy bank» kósh bastap tur. Jyl qorytyndysyna kóz salatyn bolsaq, bank qazaqstandyq jalpy ıpoteka úlesiniń 67%-yn bergen. Bul rette bank NPL-diń eń tómengi deńgeıin (merzimi 90 kúnnen asyp ketken qaryzdar) saqtap qaldy, qazir ol 0,08%, al bankter arasyndaǵy bul kórsetkishtiń ortasha deńgeıi 3,68%-ǵa teń. Eń bastysy – turǵyn úı qurylys jınaq júıesine degen halyqtyń senimi ulǵaıǵan saıyn bank klıentteriniń qatary men qarjylyq operasııalar sany da artyp keledi. Sondyqtan qazir banktik prosesterdiń deni tolyqtaı sıfrlandyrylyp, onlaın rejimge kóshirilip jatyr.
– Bıyl onlaın arnalar kómegimen 2,5 mln operasııa jasadyq. Jurttyń ýaqytyn únemdeý úshin aldymyzǵa úlken maqsat qoıyp, 2025 jylǵa deıin bank usynatyn barlyq operasııany klıentterge onlaın rejimde qoljetimdi etýdi kózdep otyrmyz. EDB-nyń ishinde Vlockchain júıesin alǵashqylardyń biri bolyp engizdik. Atalǵan tehnologııany paıdalana otyryp, bank klıentteri nesıeni merziminen buryn ótegen jaǵdaıda birneshe mınýt ishinde kepil shartyn qashyqtan tirkeı alady nemese kepilde turǵan jyljymaıtyn múlikke tirkelgen quqyqtardy alyp tastaı alady. Búgingi tańda Blockchain 500 myńnan astam saǵatty únemdep, «Otbasy banktiń» 30 myńǵa jýyq klıentine qashyqtyqtan suranysqa ıe qyzmetterdi qoldanýǵa kómektesti, – deıdi «Otbasy bank» AQ basqarma tóraǵasy Lázzat Ibragımova.
Jańa tehnologııalar qysqa merzimde Jalǵa alý aqysyn onlaın sýbsıdııalaý baǵdarlamasyn jyldam iske qosýǵa kómektesti. Prezıdent Qasym-Jomart Toqaevtyń pármenimen «Otbasy bank» joba operatory retinde aıqyndalǵany aıan. Halyqqa yńǵaıly bolý úshin ótinish berý, baǵdarlama sharttaryna sáıkestigin tekserý, jalǵa berýshimen kelisimshart jasaý men 50% kólemindegi sýbsıdııa alý prosesteri otbasybank.kz sıfrly platformasynda júzege asyrylyp jatyr. Osy portaldan adamdar baspana tańdap, memlekettik baǵdarlamalarǵa qatysýǵa ótinish joldaı alady. Banktiń jeke baǵdarlamalary aıasynda qurylys salýshydan nemese ekinshi naryqtan eń jaqsy páterlerdi tańdap, satyp ala alady. Kún saıyn platformaǵa shamamen 6 myń adam kiredi.
Sondaı-aq otbasybank.kz saıty arqyly onlaın-ıpotekaǵa da ótinish berýge bolady. Bul opsııany qazirdiń ózinde 1 800 adam paıdalanyp úlgergen.
2022 jyldyń 1 qazanynan bastap bank óz klıentterinen ótemaqy alýǵa ótinishter qabyldaı bastady. Qoldanýshylarǵa yńǵaıly bolý úshin bul prosess onlaın rejimde iske qosyldy. 2022 jyldyń 26 jeltoqsanyndaǵy jaǵdaı boıynsha, qazaqstandyqtardan jalpy somasy 114 mlrd teńgeni quraıtyn ótemaqy alýǵa 814 myńnan astam ótinish kelip túsken.
Bıyl «Otbasy banktiń» sátimen júzege asqan birqatar jeke baǵdarlamasy bar desek, onyń ishinde «Umaı» áıelder ıpotekasy 1 350 qazaqstandyq qyz-kelinshektiń úı máselesin sheship berdi.
О́tip bara jatqan jyl óńirlerdegi jas mamandardy baspanamen qamtý isinde de serpindi boldy. Jastar baǵdarlamalaryn júzege asyrýdaǵy jergilikti ákimdikter men «Otbasy banktiń» jalpy bıýdjeti 62,7 mlrd teńgege teń. Almaty, Astana qalalarynan bastaý alǵan jastardy turǵyn úımen qamtý baǵdarlamasy Almaty, Atyraý, Qaraǵandy, Qostanaı, Jambyl, Batys Qazaqstan, Aqtóbe, Jetisý, Abaı oblystarynda jalǵasyn tapty.
El tynyshtyǵyn kúzetken 2 320 adam «Áskerı baspana» baǵdarlamasy aıasynda úıli boldy.
Qarap otyrsaq, bıyl enpf-otbasy.kz platformasynyń kómegimen 487 myńnan astam adam turǵyn úı satyp alý, ıpotekalyq nesıe tóleý men emdelýge birjolǵy zeınetaqy tólemderin paıdalanypty. Sondaı-aq qazaqstandyqtar bolashaqta qoljetimdi sharttarmen nesıe alý úshin zeınetaqy jınaqtarynan alýǵa bolatyn artyq somany «Otbasy banktegi» depozıtterge belsendi túrde aýdaryp otyr. Búgingi tańda bul opsııany 170 500 azamat paıdalanǵan.
«Otbasy banktiń» 2022 jylǵy erekshe tabysynyń biri – Moody’s Investors Service banktiń ulttyq valıýtadaǵy depozıtteri boıynsha uzaqmerzimdi reıtıngin «Baa2» deńgeıinde rastaǵany der edik. Reıtıng boljamy «turaqty». Sondaı-aq Fitch Ratings «Otbasy banktiń» ulttyq valıýtadaǵy emıtentiniń uzaqmerzimdi defolt reıtıngi «BBB» deńgeıinde ekendigin dáıektep berdi. Bul reıtıng boljamy da «turaqty».
Qazir «Otbasy bank» jetekshileri málimdep otyrǵan eń basty jańalyq – jańa jyldan bastap atalǵan bank Qazaqstanda alǵash ret «Jasyl ıpoteka» baǵdarlamasyn iske qospaq. Bul qazaqstandyqtar «Jasyl standarttar» boıynsha salynǵan, energııa únemdeıtin turǵyn úı keshenderinen páter satyp alýǵa nesıe ala alady degen sóz.
«Jasyl ıpoteka» boıynsha alǵashqy jarna – 20 paıyz. Ony tólegen bank klıentteri aldyn ala zaem ala alady. Mundaı nesıe boıynsha mólsherleme 12,5%-ǵa (JTSM 13,3% bastap) teń. «Jasyl ıpoteka» nesıesiniń eń joǵary somasy – 35 mln teńge. Kredıtti tek jańa baspana satyp alýǵa paıdalanýǵa bolady. Turǵyn úıdi OMIR, GOST R, BREEAM nemese LEED standarttaryna sáıkestik sertıfıkaty bar nysandardan ǵana satyp alýǵa bolady.
ALMATY
