«Aqmola, Aqtóbe, Qostanaı jáne Qyzylorda oblystarynda boran men qalyń qar saldarynan tasjoldaǵy kóriný nasharlap birqatar jol ýchaskesinde qozǵalysqa shekteý engizildi. Jol qyzmetteri barlyq ýchaskelerde kúsheıtilgen rejımde jumys atqarýda. Máselen, 31 jeltoqsannan bastap respýblıkalyq mańyzdaǵy tasjoldar 2 myń m3 kóktaıǵaqqa qarsy arnaıy qospamen óńdeldi», delingen habarlamada.
Avtokóliktiń barlyq túri úshin kúre joldardyń kelesi ýchaskeleri jabyq tur:
Aqmola oblysynda qozǵalys «Qostanaı-Áýlıekól-Sýrǵan» tasjolynyń Qostanaı oblysynyń shekarasynan Sýrǵan kentine deıin shekteldi.
Aqtóbe oblysynda «Samara-Shymkent» kúre jolynyń Belogorka kentinen Qyzylorda oblysynyń shekarasyna deıingi aralyǵy jabyldy. Sondaı-aq, «Qarabutaq-Komsomol-Denısovka-Rýdnyı-Qostanaı» trassasynyń Qarabutaq kentinen Qostanaı oblysynyń shekarasyna deıingi aralyǵy jabyq tur.
Qostanaı oblysynda «Qarabutaq-Komsomol-Denısovka-Rýdnyı-Qostanaı»; «Denısovka-Jetiqara-Myqtykól»; "Qostanaı-Áýlıekól-Sýrǵan" tasjoldarynyń ýchaskeleri jabyldy.
Qyzylorda oblysynda «Samara-Shymkent» avtojolynyń Aqtóbe oblysynan Aral qalasyna deıingi aralyǵynda qozǵalysqa shekteý engizildi.
