«Ań aýlaý jáne balyq aýlaý obektilerine jatatyn janýarlardyń qundy túrleriniń tizbesin bekitý týraly» Qazaqstan Respýblıkasy Aýyl sharýashylyǵy mınıstriniń 2015 jyl 16 aqpandaǵy № 18-03/106 buıryǵyna tolyqtyrý engizý týraly» Ekologııa, geologııa jáne tabıǵı resýrstar mınıstrliginiń buıryǵyna ózgerister engizildi.
Qazirgi ýaqytta qasqyr men shıbóri sanyn retteý júıesinde birqatar problema bar. Onyń ishinde kezdeısoq adamdardyń ańshylyq alqaptarda qarýmen bolýdy aqtaý úshin retteý ruqsattaryn paıdalanýy.
Qasqyr suranysqa ıe ańshylyq resýrs. Alaıda ańshylyq sharýashylyqtary odan aqsha tabý jáne onyń sanyn derbes retteý múmkindiginen is júzinde aıyrylǵan.
Qazirgi tańda qasqyrlarǵa retteýdi júrgizý, olardyń sany týraly derekterdiń tolyq bolmaýyna negizdelýine baılanysty, ekojúıege nuqsan keltirilýde, sondaı-aq aýyl sharýashylyǵyna nuqsan kelý qaýpi tómendegen joq. Qasqyr, basqa túrler sııaqty ańshylyq obektisine jatady. Onyń sany ańshylyq sharýashylyq sýbektilermen jáne oblystyq orman sharýashylyǵy jáne janýarlar dúnıesi aýmaqtyq ınspeksııalarymen esepteledi. Úı janýarlaryna qasqyrlardyń shabýy jaǵdaıynda ańshylyq merziminen tys retteý múmkinshiligin saqtaı otyryp, lımıt jáne kvotalar bólinýi tıis. Osyǵan baılanysty qasqyrdy ańshylyq túrler sanatyna aýystyrý boıynsha sheshim qabyldandy.
О́z kezeginde ańshylyq sharýashylyǵy aýmaǵynda qasqyrlardyń sanyn retteýin qadaǵalaýdy ańshylyq sharýashylyǵy sýbektileri júrgizedi, al rezervtik qorda oblystyq orman sharýashylyǵy jáne janýarlar dúnıesi aýmaqtyq ınspeksııasy júrgizedi.
Bul popýlıasııanyń monıtorıngisin, túrlerdiń ońtaıly sanyn qoldaýda ańshylyq sharýashylyqtardyń qyzyǵýshylyǵyn yntalandyrady, ekojúıeniń saqtalýyn qamtamasyz etedi jáne ańshylyq sharýashylyǵynyń damýyna kómektesedi.
Ańshylyq obektisine jatatyn qasqyrdy ańshylyq túrler sanatyna aýystyrý Ǵylymı-tehnıkalyq keńespen, oblystyq orman sharýashylyǵy jáne janýarlar dúnıesi aýmaqtyq ınspeksııasymen jáne ańshylyq sharýashylyǵy sýbektilerimen qabyldandy.
