«Qazgıdromet» RMK aqparaty boıynsha, el aýmaǵynyń basym bóligine arktıkalyq aıazdy antısıklon áser etedi.
«Respýblıkanyń ońtústiginde, ońtústik-shyǵysynda, shyǵysynda, soltústiginde atmosferalyq frontaldy bólimderdiń ótýimen qar ótedi, respýblıkanyń ońtústiginde, ońtústik-shyǵysynda taýly aýdandarda keıde qalyń qar, jeldiń kúsheıýi, boran, kóktaıǵaq kútiledi. Keı jerlerde tuman túsedi», delingen sınoptıkterdiń habarlamasynda.
Mamandardyń boljamy boıynsha:
- Túnde Aqtóbe oblysynyń soltústiginde -40-41 gradýsqa deıin,
- Mańǵystaý oblysynda -25 gradýs,
- Aqmola oblysynda -40 gradýsqa deıin,
- Qaraǵandy oblysynda -35-38 gradýs,
- Aqtóbe oblysynda -35-36 gradýsqa deıin,
- Atyraý oblysynda -30 gradýs,
- Túrkistan oblysynyń soltústiginde -25-27 gradýs,
- Jetisý oblysynyń taýly aýdandarynda -25 gradýs aıaz kútiledi.
Astanada aýyspaly bulttylyq saqtalyp, keıde azdaǵan qar jaýady. Batystan soqqan jeldiń ekpini 3-8 m/s deıin jetedi. Túnde aýa temperatýrasy -35...-37°S, kúndiz -26...-28°S bolady.
Almatyda kún bultty bolady dep boljanady, keıde qar jaýyp, tuman, kóktaıǵaq kútiledi. Aýa temperatýrasy túnde jáne kúndiz -10...-12°S jetip, odan ári tómendeıdi.
Shymkentte aýyspaly bult, túnde jáne tańerteń qar jaýyp, tuman túsedi. Soltústik-batystan, soltústikten jel soǵyp, 8-13 m/s deıin jetedi. Túnde aýa temperatýrasy -14...-16°S, kúndiz -8...-10°S.
